The Phnom Penh Post Search

Search form




Logo of Phnom Penh Post newspaper Phnom Penh Post - រកឃើញ​ហើយ អ្នកឈ្នះ​រង្វាន់​ធំៗ​ពី​កម្មវិធី​ចាប់​រង្វាន់​របស់ ធនាគារ អ៊ូរី

រកឃើញ​ហើយ អ្នកឈ្នះ​រង្វាន់​ធំៗ​ពី​កម្មវិធី​ចាប់​រង្វាន់​របស់ ធនាគារ អ៊ូរី

ធនាគារ អ៊ូរី កាលពី​ថ្ងៃទី​ ២៥ ខែមេសា ឆ្នាំ​ ២០២២ បាន​រកឃើញ​អ្នកឈ្នះ​រង្វាន់​ទាំង​ ៣១៨ ​រូប ក្នុង​កម្មវិធី​ចាប់​រង្វាន់​របស់​ធនាគារ អ៊ូរី ក្នុង​កម្មវិធី​ «Woori Talks, We Talk» នៅលើ​គេហទំព័រ​ហ្វេសប៊ុក​​របស់ ធនាគារ អ៊ូរី (​ខេមបូឌា​) ដែល​ប្រារព្ធ​ឡើង​ ដើម្បី​អបអរ​ការវិវឌ្ឍ​ខ្លួន​ជា​ផ្លូវការ​ជា​ធនាគារពាណិជ្ជ​កាលពី​ថ្ងៃទី​ ៣ ខែមករា ឆ្នាំ​ ២០២២​។ លោក គីម ហុង ជូ អគ្គនាយក​ប្រតិបត្តិ​នៃ​ធនាគារ អ៊ូរី ថ្លែងថា​៖ «​កម្មវិធី​ចាប់​រង្វាន់​នេះ​គឺជា​ការ​រំឭក​ដល់​ការវិវឌ្ឍ​ខ្លួន​ជា​ផ្លូវការ​ជា​ធនាគារពាណិជ្ជ​ក្រោម​ឈ្មោះថា ធនាគារ អ៊ូរី កាលពី​ថ្ងៃទី ​៣ ខែមករា ឆ្នាំ​ ២០២២ និង​ជា​ថ្ងៃ​ដែល​យើង​បង្ហាញ​អំពី​ការថ្លែង​អំណរគុណ​យ៉ាង​ជ្រាលជ្រៅ​ដល់​អតិថិជន និង​សាធារណជន​ជាច្រើន​ដែល​បាន​ប្រើប្រាស់​សេវាកម្ម​ហិរញ្ញវត្ថុ​របស់​ធនាគារ អ៊ូរី ក្នុង​រយៈពេល ៣០ ​ឆ្នាំ​កន្លងមកនេះ​»​។ រង្វាន់​ទាំងអស់​រួមមាន រថយន្ត SsangYong Tivoli ឆ្នាំ​ 2022 ម៉ូតូ​ស៊េរី​ថ្មី ទូរស័ព្ទ IPhone 13 ទូរទស្សន៍ Smart TV បណ្ណ​ចាក់​សាំង កាត​ទូរស័ព្ទ Smart សម្រាប់​ប្រើប្រាស់​រយៈពេល​ ១ ​ឆ្នាំ និង​រង្វាន់​ជា​សាច់ប្រាក់ សរុប​ចំនួន ៣១៨ ​រង្វាន់ គិត​ជា​ទឹកប្រាក់​ស្មើនឹង​ជាង ៧ ​ម៉ឺន​ដុល្លារ​អាមេរិក​។ កម្ម​ពិធី​ប្រគល់​រង្វាន់​ជូន​ដល់​អ្នកឈ្នះ​រង្វាន់​ទាំងនេះ ត្រូវ​បាន​ប្រារព្ធ​ធ្វើឡើង​កាលពី​ថ្ងៃទី​ ៦ ខែឧសភា នៅ​ធនាគារ អ៊ូ​រី សាខា​អូឡាំពិក​៕