ក្រុមតន្ត្រី Phnom Penh Choral Ensemble (PPCE) កាលពីល្ងាចថ្ងៃទី ១៩ ខែមិថុនាបានរៀបចំការប្រគុំតន្ត្រី «PPCE Sings Love» ដើម្បីរៃអង្គាសថវិកាគាំទ្រដល់អង្គការក្រៅរដ្ឋាភិបាល NGOs Friends International, SokSabay និង Sunrise CambodiaFriends International នៅសណ្ឋាគារ Raffles Hotel Le Royal។
នៅក្នុងពិធីសម្តែងរបស់ក្រុមតន្ត្រី PPCE នោះទទួលបានការអញ្ជើញចូលរួមពីឯកអគ្គរដ្ឋទូតហ្វីលីពីនប្រចាំកម្ពុជា លោកស្រី Amelita Aquino អគ្គនាយកកាសែតភ្នំពេញប៉ុស្តិ៍ លោក លី តៃសេង និងភ្ញៀវកិត្តិយសជាច្រើនរូបទៀតដែលញុំាំងឱ្យបរិយាកាសកាន់តែរីករាយជាមួយនឹងបទចម្រៀងបែបក្លាស៊ិក និងសម័យដ៏ពិរោះរណ្តំ។ ក្រុមហ៊ុន Union Gakki, BIC Bank, Grant Thornton, Hainam, CIA First និងកាសែតភ្នំពេញប៉ុស្តិ៍បានឧបត្ថម្ភដល់ព្រឹត្តិការណ៍ gala ពេលល្ងាចនោះ។
លោកស្រី Hannah Lynn Bandalan អ្នកដឹកនាំក្រុមតន្ត្រី PPCE បានថ្លែងថា៖ «ចំពោះ SokSabay, Sunrise, MithSamlanh និង Friends international យើងសូមថ្លែងអំណរគុណចំពោះការលះបង់ និងកិច្ចខិតខំប្រឹងប្រែង ដើម្បីជួយដល់ប្រជាជនខ្មែរ។ ខ្ញុំសូមថ្លែងអំណរចំពោះឯកសិទ្ធិដ៏ធំធេងនេះ ដែលជាផ្នែកមួយនៃការងាររបស់លោកអ្នក។ យើងសង្ឃឹមថាការប្រគុំតន្ត្រីនេះបានផ្តល់ឱ្យយើងនូវបំណងប្រាថ្នាកាន់តែស៊ីជម្រៅក្នុងការជួយអ្នកដទៃ ជាពិសេសអ្នកដែលខ្វះខាត។ PPCE ជឿជាក់ថាយើងរីកចម្រើនតាមរយៈការជួយអ្នកដទៃ»៕