.jpg)
ក្រុមហ៊ុន មេនូឡាយហ្វ៍ ខេមបូឌា ដែលជាក្រុមហ៊ុនធានារ៉ាប់រងអាយុជីវិតអន្តរជាតិដំបូងបង្អស់នៅកម្ពុជាកាលពីថ្ងៃទី ១៧ ខែមិថុនា ឆ្នាំ ២០២២ បានប្រារព្ធពិធីអបអរខួបគម្រប់ ១០ ឆ្នាំនៅកម្ពុជា ក្រោមសក្ខីភាពនៃអធិបតីភាពរបស់និយ័តករធានារ៉ាប់រងកម្ពុជា និងវត្តមានកិត្តិយសរបស់តំណាងរាជរដ្ឋាភិបាលកម្ពុជា សមាគមធានា រ៉ាប់រងកម្ពុជា ធនាគារដៃគូ ដៃគូកិច្ចការសប្បុរសធម៌ អតិថិជន ក្រុម ប្រឹក្សាភិបាល គណៈគ្រប់គ្រងប្រតិបត្តិ និងបុគ្គលិកជាច្រើនរូប។ លោក Justin Helferich អគ្គនាយកប្រតិបត្តិ និងនាយកចាត់ការទូទៅនៃក្រុមហ៊ុន មេនូឡាយហ្វ៍ ខេមបូឌា បានថ្លែងថា៖ «ប្រសិនបើគ្មានការផ្ដល់ទំនុកចិត្ត និងការគាំទ្រពីគ្រប់ភាគីពាក់ព័ន្ធ យើងពិតជាមិនអាចសម្រេច បាននូវសមិទ្ធផលដ៏ថ្លៃថ្លាក្នុងរយៈពេល ១០ ឆ្នាំនេះបានទេ។» «ក្នុងពេល ១០ ឆ្នាំខាងមុខ ក្រុមហ៊ុនយើងនៅតែផ្តោតសំខាន់លើបេសកកម្មក្នុងការកសាងអនាគតដ៏ល្អប្រសើរសម្រាប់គ្រួសារកម្ពុជា ដោយផ្តល់នូវដំណោះស្រាយប្រកប ដោយភាពច្នៃប្រឌិត និងស្របតាមតម្រូវការរបស់ទីផ្សារ ក៏ដូចជាផ្តល់ការការពារហិរញ្ញវត្ថុកាន់តែងាយស្រួល តម្លៃសមរម្យសម្រាប់ប្រជាជនកម្ពុជាជាច្រើនទៀត។» ក្រុមហ៊ុន មេនូឡាយហ្វ៍ ខេមបូឌា ជាផ្នែកមួយនៃសាជីវកម្មក្រុមហ៊ុន មេនូឡាយហ្វ៍ ខេមបូឌា ដែល មានទីស្នាក់ការកណ្តាលជាសកលនៅទីក្រុងតូរ៉ុនតូ ប្រទេសកាណាដា និងមានប្រតិបត្តិការអាជីវកម្មនៅតំបន់អាស៊ី និងអឺរ៉ុប និងសហរដ្ឋអាមេរិកជាមួយបទពិសោធន៍អាជីវកម្មច្រើនជាង ១៦០ ឆ្នាំមកហើយ។ គិតត្រឹមចុងឆ្នាំ ២០២១ ក្រុមហ៊ុនមានបុគ្គលិកជាង ៣៨ ០០០ នាក់ ទីប្រឹក្សាធានារ៉ាប់រងប្រមាណ ១១៩ ០០០ នាក់ និងដៃគូចែកចាយផលិតផលធានារ៉ាប់រងអាយុជីវិតរាប់ពាន់ដៃគូដែលកំពុងបម្រើសេវាកម្មជូនអតិថិជនជាង ៣៣ លាននាក់នៅទូទាំងពិភពលោក៕
