បន្ទាប់ពីទទួលបានជោគជ័យក្នុងការបណ្តុះបណ្តាលពន្លកថ្មីរយៈពេល ៣ ខែ ធនាគារ អ៊ូរី នៅថ្ងៃទី ២២ ខែកក្កដា ឆ្នាំ ២០២២ បានបិទបញ្ចប់កម្មវិធី Talent Incubation Program ជំនាន់ទី ១ ដោយជោគជ័យ។ កម្មវិធីនេះបានចាប់ផ្តើមនៅក្នុងខែមេសា ហើយបានបញ្ចប់នៅក្នុងខែកក្កដា ឆ្នាំ ២០២២។ ពិធីបិទវគ្គនេះប្រព្រឹត្តទៅក្រោមអធិបតីភាពលោក គីម ហុងជូ អគ្គនាយកប្រតិបត្តិនៃធនាគារ អ៊ូរីខេមបូឌា និងគណៈគ្រប់គ្រងជាន់ខ្ពស់នៅការិយាល័យកណ្តាលរបស់ធនាគារ អ៊ូរី។
គោលបំណងនៃកម្មវិធីគឺដើម្បីគាំទ្រដល់និស្សិតដែលបានបញ្ចប់ការសិក្សាថ្មីៗដោយគ្មានបទពិសោធន៍ពីមុន តាមរយៈកម្មវិធីពង្រឹងសមត្ថភាពការងារយ៉ាងហ្មត់ចត់ បង្កើនល្បឿននៃការអភិវឌ្ឍវិជ្ជាជីវៈ និងសមិទ្ធផលរបស់ពួកគេនៅក្នុងធនាគារ អ៊ូរី។ លើសពីនេះ កម្មវិធីមានគោលបំណងផ្តល់ឱកាសដល់និស្សិតដែលមិនទាន់មានបទពិសោធន៍ ឬទើបតែបញ្ចប់ការសិក្សា ដែលមានចំណង់ចំណូលចិត្តក្នុងការទទួលបានបទពិសោធន៍ដ៏រំភើបសម្រាប់ការងារដំបូងរបស់ពួកគេក្នុងវិស័យធនាគារ។
ជំនាន់នេះមានចំនួនអ្នកចូលរួមហាត់ការចំនួន ៤៥ នាក់ដែលត្រូវបានជ្រើសរើសដោយផ្អែកលើលក្ខណៈសម្បត្តិ និងសមត្ថភាពកម្រិតដំបូងរបស់ពួកគេ។ និស្សិតមហាវិទ្យាល័យចាប់ពីឆ្នាំទី ២ ឡើងទៅមានសិទ្ធិចូលរួមសម្រាប់កម្មវិធីនេះ។ សិក្ខាកាមដែលត្រូវបានជ្រើសរើសទទួលនូវកម្មវិធីបណ្តុះបណ្តាលរយៈពេល ៣ ខែ ដែលបុគ្គលិកថ្មីរបស់ធនាគារ អ៊ូរី ក៏ដូចជាមេរៀនគ្រប់ផ្នែកពីនាយកដ្ឋានផ្សេងៗ។
ឱកាសពិសេសនេះគឺមានតែចំពោះកម្មវិធី Talent Incubation Program តែប៉ុណ្ណោះ។ លើសពីនេះ ធនាគារ អ៊ូរី នឹងចាត់តាំងបុគ្គលិកទាំងអស់ដោយយោងតាមផែនទីបង្ហាញអាជីពដ៏គួរឱ្យចាប់អារម្មណ៍របស់យើង ដើម្បីរៀបចំពួកគេ សម្រាប់មុខតំណែងអ្នកគ្រប់គ្រងនាពេលអនាគតនៅធនាគារ អ៊ូរី។
លោក គីមហុងជូ នាយកប្រតិបត្តិនៃធនាគារ អ៊ូរី ប្រចាំប្រទេសកម្ពុជាបានថ្លែងសុន្ទរកថាបិទបញ្ចប់ដ៏មានអត្ថន័យថា៖ «កម្មវិធី Talent Incubation Program គឺជាផ្នែកមួយនៃផែនការនៅក្នុងធនាគាររបស់យើងជាមួយនឹងគោលដៅជួយជ្រោមជ្រែងនិស្សិតបញ្ចប់ការសិក្សាថ្មីៗទាំងអស់ពីសាកលវិទ្យាល័យនៅកម្ពុជា។ បេក្ខជនជយលាភីត្រូវបានជ្រើសរើសឱ្យចូលរួមក្នុងកម្មវិធីនេះដោយទទួលការបណ្តុះបណ្តាលរបស់យើងដោយសិក្សាបន្ថែមពីធនាគាររបស់យើង ដើម្បីបង្កើតការអភិវឌ្ឍអាជីពរយៈពេលវែងនៅក្នុងធនាគាររបស់យើង»។
លោក គីមហុងជូ បានបន្តថា៖ «ខ្ញុំគិតថា កម្មវិធីនេះគឺល្អណាស់ សម្រាប់អ្នករាល់គ្នាដែលមានបំណងចង់ទទួលបានបទពិសោធន៍ដំបូង តាមរយៈកម្មវិធីពង្រឹងសមត្ថភាពដ៏ទូលំទូលាយ ជួយអ្នកក្នុងការពន្លឿនកំណើនអាជីព និងភាពជោគជ័យរបស់អ្នក។ អ្នកពិតជាពិសេសជាងបុគ្គលិកផ្សេងទៀត ដោយសារអ្នកមានឱកាសរៀននៅទូទាំងនាយកដ្ឋានទាំងមូលនៃធនាគារ អ៊ូរី ដែលមិនមែនគ្រប់គ្នាអាចទទួលបានឱកាសដ៏ល្អនេះទេ។ ហើយអ្នកអាចរៀនប្រតិបត្តិការអាជីវកម្មនៅការិយាល័យកណ្តាល ហើយក៏អាចទទួលបទពិសោធន៍អាជីវកម្មពីការិយាល័យសាខាផងដែរ។ អ្នកទាំងអស់គ្នានឹងត្រូវផ្លាស់ប្តូរពីការិយាល័យកណ្តាលទៅការិយាល័យសាខាតាមកាលកំណត់ ហើយអាចនឹងផ្លាស់ប្តូរមកវិញផងដែរនៅថ្ងៃអនាគត»៕