គ្រឹះស្ថានមីក្រូហិរញ្ញវត្ថុ ណុងហឹប ហ្វាយនែន (ខេមបូឌា) ម.ក ដែលជាក្រុមហ៊ុនបុត្រសម្ព័ន្ធនៃធនាគារ ណុងហឹប នៃសាធារណរដ្ឋកូរ៉េខាងត្បូង កាលពីថ្ងៃអង្គារ ទី៤កើត ខែភទ្របទ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី៣០ ខែសីហា ឆ្នាំ២០២២ បានបង្កើតនូវវគ្គបណ្តុះបណ្តាលស្តីពី «បច្ចេកទេសចិញ្ចឹមសត្វជាលក្ខណៈគ្រួសារ» ដល់ប្រជាពលរដ្ឋ និងអតិថិជន ក្នុងឃុំត្រពាំងព្រះ ស្រុកព្រៃឈរ ខេត្តកំពង់ចាម ដែលមានវត្តមានលោកមេឃុំ នៃឃុំត្រពាំងព្រះ ជាគណៈធិបតី និងលោកប្រធាននាយកប្រតិបត្តិ ដែលជាតំណាងនៃគ្រឹះស្ថានមីក្រូហិរញ្ញវត្ថុ ណុងហឹប ហ្វាយនែន និងប្រជាពលរដ្ឋប្រមាណជាង ៥០នាក់ បានចូលរួមក្នុងការបណ្តុះបណ្តាលនេះផងដែរ។ ទាំងនេះសបញ្ជាក់ឱ្យឃើញថា ក្រៅពីសេវាកម្មហិរញ្ញវត្ថុដែលជាអាជីវកម្មស្នូលរបស់ខ្លួន ណុងហឹប ហ្វាយនែន បានចូលរួមចំណែកក្នុងកិច្ចការសង្គមយ៉ាងសកម្មដើម្បីជួយដល់អតិថិជនរបស់ ខ្លួន ក្នុងការកែលម្អរកម្រិតជីវភាពរស់នៅប្រចាំថ្ងៃតាមរយៈការអនុវត្តន៍កម្មវិធី ស្តីពីឥណទានផ្សារភ្ជាប់នឹងការអប់រំ ដើម្បីផ្តល់ជូននូវវគ្គបណ្តុះបណ្តាលដល់ប្រជាពលរដ្ឋនៅទីជនបទ ទោះជាអតិថិជនក្តី និងមិនមែនជាអតិថិជនក្តី អំពីបច្ចេកទេសកសិកម្ម ដែលក្នុងនោះរួមមានបច្ចេកទេសចិញ្ចឹមសត្វជាលក្ខណៈគ្រួសារ បច្ចេកទេសលើផលិតកម្មដំណាំស្រូវ ការបណ្តុះបណ្តាលពីការគ្រប់គ្រងថវិកាគ្រួសារ រួមទាំងការអប់រំសហគមន៍លើផ្នែកសុខភាព និងអនាម័យ។ល។
ណុងហឹប ហ្វាយនែន បានកំពុងធ្វើប្រតិបត្តិការនៅរាជធានីភ្នំពេញ និងខេត្តចំនួន១១ មានខេត្តកំពត កំពង់សោម កែប តាកែវ កំពង់ស្ពឺ កណ្តាល កំពង់ចាម កំពង់ធំ សៀមរាប ព្រៃវែង និងខេត្តស្វាយរៀង៕