ក្រុមហ៊ុន អ៊ី ឆែ គ្រុប ដែលជាក្រុមហ៊ុនផ្គត់ផ្គង់សម្ភារសំណង់ឈានមុខគេនៅកម្ពុជា បានរៀបចំកម្មវិធីប្រកួតប្រជែងស្នាដៃស្ថាបត្យកម្ម ក្រោមប្រធានបទ «លំនៅឋានយើងនៅ ឆ្នាំ ២០៣០» ជាកម្មវិធីដែលបើកឱកាសដល់យុវនិស្សិតស្ថាបត្យកម្មចូលរួមប្រកួតប្រជែងជាមួយនឹងគំនិតច្នៃប្រឌិតថ្មី ក្នុងការប្រមើលមើលទៅលើការរចនាលំនៅឋាន ដែលអាចសម្របខ្លួនទៅនឹងការផ្លាស់ប្តូរឥរិយាបថរស់នៅរបស់ប្រជាពលរដ្ឋនាពេលអនាគតគឺឆ្នាំ ២០៣០។ កម្មវិធីនេះបានដំណើរការអស់រយៈពេល ៨ ខែ គឺចាប់ពីថ្ងៃទី ១៧ ខែមករា រហូតដល់ថ្ងៃទី ២៧ ខែសីហា ឆ្នាំ ២០២២ ដោយមានការចូលរួមពីនិស្សិតមកពីសាកលវិទ្យាល័យជំនាញស្ថាបត្យកម្មជាច្រើននៅកម្ពុជា។
ក្នុងចំណោម ៣៦ ក្រុម បេក្ខជនដែលជានិស្សិតនៃសាកលវិទ្យាល័យ ន័រតុន ដែលមានឈ្មោះក្រុមថា «The Infinite» ក្នុងនោះរួមមានប្អូនស្រី ហន សៀវម៉ី ប្អូនប្រុស តាំង សេងហេង ប្អូនប្រុស ញឹប សិលឬទ្ធី និងប្អូនប្រុស ផៃ សុបញ្ញា ជាម្ចាស់រង្វាន់ជយលាភីលេខ ១ ទទួលបានទឹកប្រាក់រង្វាន់សរុបចំនួន ១០,០០០,០០០ រៀល។
លោកស្រី តែ វង្សគីម នាយិកាប្រតិបត្តិហិរញ្ញវត្ថុនៃក្រុមហ៊ុន អ៊ី ឆែ គ្រុប បានមានប្រសាសន៍ថា៖ «គោលបំណងនៃការរៀបចំកម្មវិធីនេះឡើង គឺដើម្បីជាឆ្លើយតបទៅនឹងគុណតម្លៃស្នូលរបស់ក្រុមហ៊ុន អ៊ី ឆែ គ្រុប គឺ «ភាពទាន់សម័យ និងការអភិវឌ្ឍ» ក៏ដូចជាការផ្តល់ឱកាស និងលើកទឹកចិត្តប្អូនៗយុវនិស្សិតដែលមានទេពកោសល្យឱ្យបានបញ្ចេញសមត្ថភាព និងចូលរួមឆ្លុះបញ្ចាំងពីការយល់ដឹងរបស់ខ្លួនទៅលើទ្រឹស្តីដែលធ្លាប់បានសិក្សាកន្លងមក។ សូមបញ្ជាក់ថាកម្មវិធីនេះចូលរួមសហការដោយក្រុមហ៊ុន Parbury Investment ក្រុមហ៊ុន The Idea និងក្រុមហ៊ុន CBRE Cambodia៕ រូបថត សហការី
សម្រាប់ព័ត៌មានលម្អិតអាចទំនាក់ទំនងតាមរយៈលេខទូរស័ព្ទ៖ 092 869 123 / 023 99 09 60
គេហទំព័រហេ្វសបុក https://www.facebook.com/YChheGroup
info@ychhe.com.kh
http://www.ychhe.com.kh
Telegram Channel:
http://t.me/YChheGroupofficial