.jpg)
ក្រុមហ៊ុន ដាណន់ កម្ពុជា (Danone Cambodia) បានអបអរចំពោះការទទួលបានពានរង្វាន់និយោជកឆ្នើម នៅក្នុងកម្មវិធីប្រគល់ពាន់រង្វាន់និយោជកឆ្នើមអាស៊ី ដែលរៀបចំឡើងនាពេលថ្មីៗនេះនៅសណ្ឋាគារ Pan Pacific នៃប្រទេសសិង្ហបុរី។
ពានរង្វាន់កំពូលៗ សម្រាប់ ដាណន់ កម្ពុជា និងដាណន់ប្រចាំតំបន់ អាស៊ីអាគ្នេយ៍ និងឥណ្ឌា (ISEA) ត្រូវបានផ្តល់ជូនដល់ប្រទេសចំនួន ៤ ជាមួយពានរង្វាន់ចំនួន ៧ ប្រភេទ ក្នុងនោះមាន ពានរង្វាន់និយោជកឆ្នើម Best Employer Brand, ពានរង្វាន់ Talent Management, ពានរង្វាន់ Managing Health at work, ពានរង្វាន់ Managing Health at work, ពានរង្វាន់ Excellence in Training and Learning, ពានរង្វាន់ Transitioning to Virtual Workplace និងពានរង្វាន់ Innovation in Career Development។
កម្មវិធីនេះត្រូវបានរៀបចំដោយវិទ្យាស្ថាន the Employer Branding Institute នៃ World HRD & Congress and Star of the Industry Group ដោយ ពានរង្វាន់នេះជាការផ្តល់តំលៃខ្ពស់ចំពោះក្រុមហ៊ុននានានៅអាស៊ី ដែលបានបង្ហាញស្នាដៃល្អជានិយោជកឆ្នើម តាមរយៈយុទ្ធសាស្ត្រគ្រប់គ្រង បណ្តុះបណ្តាល និងអភិវឌ្ឍន៍ធនធានមនុស្សប្រកបដោយការច្នៃប្រឌិត និងប្រសិទ្ធភាពខ្ពស់។
លោក Koh Kok Meng ប្រធានគ្រប់គ្រងក្រុមហ៊ុនដាណន់ (Danone) ប្រចាំប្រទេសកម្ពុជា និងមីយ៉ាន់ម៉ា បានបង្ហាញពីក្តីរំភើបរបស់ លោកថា៖ «ការទទួលបានពានរង្វាន់ដ៏មានកិត្យានុភាពនេះ គឺជាព្រឹត្តិការណ៍ដ៏សំខាន់មួយ ទៀតសម្រាប់ ដាណន់កម្ពុជា Danone Cambodia ក្នុងឆ្នាំ ២០២២ នេះ បន្ថែមពីលើការផ្លាស់ទៅកាន់ការិយាល័យថ្មី ដែលជាមជ្ឈមណ្ឌលធនធានមនុស្ស របស់យើងកាលពីដើមឆ្នាំ។ ជ័យជម្នះនេះ គឺជាការឆ្លុះបញ្ចាំងឱ្យឃើញពីការប្តេជ្ញាចិត្តរយៈពេលវែង ក្នុងការពង្រីកអាជីវកម្ម និងអភិវឌ្ឍបុគ្គលិក ស្របតាមយុទ្ធសាស្ត្រគ្រប់គ្រងធនធានមនុស្សរបស់យើងដើម្បីក្លាយជានិយោជកឆ្នើម»។
លោកបន្តថា ជាយុទ្ធសាស្ត្រយើងបានអភិវឌ្ឍបុគ្គលិកក្នុងស្រុកឱ្យមានសមត្ថភាព និងចំណេះជំនាញ កាន់តែខ្ពស់ដើម្បីអាចជម្នះលើ បញ្ហាប្រឈមនានា និងចាប់យកឱកាសអាជីវកម្មថ្មីៗ។ ការផ្តល់ឱ្យបុគ្គលិករបស់យើង នូវកម្មវិធីជប់លៀងកម្សាន្តសប្បាយ និងព្រឹត្តិការណ៍ដ៏អស្ចារ្យជាច្រើនរបស់ក្រុមហ៊ុន កម្មវិធីគាំពារសុខុមាលភាពបុគ្គលិក ជាពិសេសក្នុងអំឡុងពេលមានជំងឺរាតត្បាតដ៏លំបាកនេះ បានជំរុញការលើកទឹកចិត្តបុគ្គលិកនីមួយៗ ឱ្យសម្រេចបានជោគជ័យការងារកាន់តែច្រើន។
លោក Koh Kok Meng ថ្លែងថា «ខ្ញុំសូមអរគុណដល់បុគ្គលិកទាំងអស់, នេះគឺជាមោទនភាពមួយសម្រាប់ពួកយើង ដែលជាបុគ្គលិកដាណន់ A Proud Danoner!»។
ក្នុងពិធីទទួលពានរង្វាន់នោះ លោក Thibaut Helleputte អគ្គនាយករងប្រចាំតំបន់អាស៊ីអាគ្នេយ៍និងឥណ្ឌា បានមានប្រសាសន៍ថា វាគឺជាកិត្តិយសណាស់ដែលទទួលបានពានរង្វាន់ដ៏មានកិត្យានុភាពនេះ។
លោក Helleputte ថ្លែងថា៖ «នៅ Danone យើងជឿជាក់ថាធនធានដ៏មានតម្លៃបំផុតដែលក្រុមហ៊ុនមាននោះ គឺធនធានមនុស្សរបស់យើង។ យើងតែងតែខិតខំផ្តល់ឱ្យបុគ្គលិករបស់យើងនូវបរិយាកាសការងារល្អបំផុត និងផ្តល់ឱកាសឱ្យពួកគាត់បានពង្រឹងសមត្ថភាពឱ្យកាន់តែរីកចម្រើនជាមួយនឹងការទទួលបាននូវការយកចិត្តទុកដាក់លើបញ្ហាសុខភាព និងសុវត្ថិភាពជាចម្បង ជាពិសេសក្នុងអំឡុងពេលជំងឺរាតត្បាត»។
«ក្នុងបរិបទនៃការរីករាលដាលនៃជំងឺកូវីដ ១៩ បាននាំមកនូវបញ្ហាប្រឈមជាច្រើន នាំឱ្យមានភាពរង្គុះរង្គើដល់ការធ្វើអាជីវកម្ម និងទទួលរងផល ប៉ះពាល់យ៉ាងធ្ងន់ធ្ងរដែលពុំធ្លាប់មានពីមុនមក។ ទោះជាយ៉ាងនេះក្ដី ក្នុង អំឡុងពេលមានជំងឺរាត្បាតនេះ ក៏ជាពេលមួយដែលអាចឱ្យក្រុមហ៊ុនបានរៀនពីរបៀបដឹកនាំថ្មីក្នុងកាលៈ ទេសៈដ៏ពិបាកនេះផងដែរ តាំងពីមានការរីករាលដាលនៃជំងឺរាតត្បាចាប់ផ្ដើមឡើងពីដើមឆ្នាំ ២០២០»។
លោកបន្តថា ខ្ញុំពិតជាមានក្ដីសោមនស្សជាខ្លាំងចំពោះអ្នកគ្រប់គ្រងផ្នែកធនធានមនុស្សប្រចាំប្រទេសទាំងអស់ និងបុគ្គលិកដាណន់ប្រចាំតំបន់អាស៊ីអាគ្នេយ៍ និងឥណ្ឌា ដែលបានខិតខំប្រឹងប្រែងកន្លងមក។ សមិទ្ធផលក្នុងថ្ងៃនេះគឺជាមោទកភាពនៃការខិតខំប្រឹងប្រែងរបស់យើង ហើយពួកយើងមានមោទកភាពណាស់ដែលយើងគឺជាបុគ្គលិករបស់ដាណន់ Danone។
«ខ្ញុំសូមថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំផ្នែកធនធានមនុស្សនៃប្រទេសទាំងអស់ និងអង្គភាពប្រតិបត្តិការរបស់យើង នៅក្នុងតំបន់អាស៊ីអាគ្នេយ៍ និងឥណ្ឌា»។
លោក Helleputte បន្ថែមថា៖ «វាគឺជាការខិតខំប្រឹងប្រែងរបស់ពួកគេជាមួយផ្នែករៀងៗខ្លួន ក៏ដូចជាការចូលរួមរបស់ ISEA Danoners ដែលធ្វើឱ្យយើងទទួលបានរង្វាន់នេះ។ នេះបានធ្វើឱ្យយើងមានមោទកភាព ហើយយើងតែងតែមានមោទកភាពចំពោះ Danoners ជានិច្ច»។
លោកស្រី Normalis Mohd Sharif នាយកគ្រប់គ្រងផ្នែកធនធានមនុស្ស ប្រចាំតំបន់អាស៊ី-អាគ្នេយ៍និងឥណ្ឌា ក៏បានគូសបញ្ជាក់ក្នុងប្រសាសន៍របស់លោកស្រីផងដែរថា៖ «សម្រាប់ដាណន់ ធនធានមនុស្ស គឺជាបេះដូងរបស់ក្រុមហ៊ុន ហើយនាយកដ្ឋានធនធានមនុស្ស គឺជាដៃគូរដ៏សំខាន់មួយ និងជាអ្នករួមចំណែកដល់ភាពជោគជ័យនៃយុទ្ធសាស្ត្រអាជីវកម្ម។
បរិបទពិភពលោកបច្ចុប្បន្ន មានការផ្លាស់ប្ដូរយ៉ាងឆាប់រហ័ស និងមានលក្ខណៈស្មុគស្មាញមិនជាក់លាក់ ដូចនេះហើយ នាយកដ្ឋានធនធានមនុស្សត្រូវតែសម្របទៅតាមបរិបទថ្មី ប្រកបដោយភាពច្នៃប្រឌិត និងរហ័សរហួនជាងមុន៕
