ធនាគារ ស៊ិនហាន ខេមបូឌា កាលពីថ្ងៃទី១៧ ខែតុលា បានបើកសាខាថ្មីនៅខេត្តសៀមរាប ដើម្បីពង្រីកសេវាហិរញ្ញវត្ថុទៅកាន់បណ្តាខេត្តនានានៅក្នុងព្រះរាជាណាចក្រកម្ពុជា។
នៅក្នុងឱកាសសម្ពោធដ៏ពិសេសនោះ ទទួលបានការអញ្ជើញជាភ្ញៀវកិតិ្តយសពីលោកបណ្ឌិត ឡាយ សំអៀន ប្រធានសាខាធនាគារជាតិនៃកម្ពុជាខេត្តសៀមរាប និងអគ្គកុងស៊ុលកូរ៉េខាងត្បូង លោក Park Do Kwon។
មន្ត្រីធនាគារ ស៊ិនហាន ខេមបូឌា ថ្លែងថា៖ «យើងមានសេចក្តីសោមនស្សរីករាយក្នុងការផ្តល់នូវសេវាហិរញ្ញវត្ថុដ៏ងាយស្រួលដល់អតិថិជនដែលរស់នៅក្នុងខេត្តសៀមរាប តាមរយៈការបើកសាខាខេត្តសៀមរាប ហើយយើងនឹងខិតខំប្រឹងប្រែងឱ្យអស់ពីសមត្ថភាពដើម្បីអភិវឌ្ឍសហគមន៍មូលដ្ឋាន»។
ដើម្បីអបអរសាទរការបើកសាខានេះ រួមជាមួយស្មារតីរួមចំណែកដល់សង្គម ធនាគារ ស៊ិនហាន ខេមបូឌា បានបរិច្ចាគនិងចែករំលែកអាហារដល់មន្ទីរពេទ្យកុមារអង្គរ ជាមន្ទីរពេទ្យកុមារដ៏ធំនៅក្នុងខេត្តសៀមរាបដែលមិនស្វែងរកប្រាក់ចំណេញ។
ធនាគារ ស៊ិនហាន ខេមបូឌា ត្រូវបានបង្កើតឡើងនៅក្នុងទីក្រុងភ្នំពេញក្នុងឆ្នាំ ២០០៧ ជាបុត្រសម្ព័ន្ធរបស់ធនាគារ Shinhan Bank ដែលជាធនាគារធំជាងគេនៅក្នុងប្រទេសកូរ៉េខាងត្បូង។
បច្ចុប្បន្ន ធនគារប្រតិបត្តិការជាមួយសាខាចំនួន ១២ នៅរាជធានីភ្នំពេញ និង ១ សាខានៅក្រុងតាខ្មៅ ហើយតាមរយៈការបើកសាខាខេត្តសៀមរាប ធនាគារ ស៊ិនហាន ខេមបូឌា នឹងមានបណ្តាញសាខា សរុបចំនួន ១៤ នៅក្នុងប្រទេសកម្ពុជា។
ធនាគារ ស៊ិនហាន ខេមបូឌា ផ្តល់នូវផលិតផល និងសេវាកម្មហិរញ្ញវត្ថុជាច្រើនប្រភេទដូចជា កម្ចីអត្រាការប្រាក់ប្រកួតប្រជែង អត្រាការប្រាក់ខ្ពស់រហូតដល់ ៨.៨% ក្នុងមួយឆ្នាំ, កម្មវិធីធនាគារចល័តងាយស្រួល, ផ្ទេរប្រាក់បាគង KHQR ផ្ទេរប្រាក់ក្រៅប្រទេស និងកាត Visa ។
ជាពិសេស ធនាគារក៏ផ្តល់សេវាកម្ម «គោលការណ៍ថ្លៃសូន្យ»(Zero Fee Policy) ត្រូវបានអនុវត្តសម្រាប់ប្រតិបត្តិការធនាគារ និង អេធីអឹម។ ធនាគារ ស៊ិនហាន ខេមបូឌា រំពឹងថា ការធ្វើទំនើបកម្មឌីជីថលនឹងបង្កើនភាពងាយស្រួលផ្នែកហិរញ្ញវត្ថុកាន់តែខ្លាំងសម្រាប់អតិថិជនរបស់ខ្លួននៅក្នុងខេត្តសៀមរាប។
ក្រៅពីសាខាខេត្តសៀមរាប ធនាគារ ស៊ិនហាន ខេមបូឌា គ្រោងនឹងបើកសាខាខេត្តបន្ថែមនៅក្នុងតំបន់សំខាន់ៗនៃប្រទេសកម្ពុជា ដើម្បីផ្តល់សេវាកម្មហិរញ្ញវត្ថុគុណភាពខ្ពស់ដល់ប្រជាជនកម្ពុជា ក៏ដូចជា បង្កើនការពេញចិត្តរបស់អតិថិជនផងដែរ។
សូមបញ្ជាក់ថា ធនាគារ ស៊ិនហាន ខេមបូឌា សាខាថ្មីនៅខេត្តសៀមរាបនេះមានទីតាំងស្ថិតនៅជិតផ្លូវបំបែកផ្លូវជាតិលេខ៦ និងមហាវិថីស៊ីវុត្ថា៕