Charles & Keith ដែលជាស្លាកយីហោដ៏ល្បីដែលតែងតែនាំមកនូវម៉ូតរចនាថ្មីៗចុងក្រោយសម្រាប់មនុស្សគ្រប់វ័យ កាលពីថ្ងៃទី ២០ ខែតុលា ឆ្នាំ ២០២២ បានបើកសាខាថ្មីនៅផ្សារទំនើបជីប ម៉ុង ២៧១ មេហ្កាម៉ល ក្នុងរាជធានីភ្នំពេញ។
ហើយនេះក៏ជាហាងទី៥ ផងដែរ ដែលបានបើកដំណើរការនៅក្នុងទីផ្សារនៅកម្ពុជា។ ហាងថ្មីនេះនៅតែរក្សាភាពស្រស់ស្អាតជាមួយនឹងការប្រើប្រាស់ពណ៌តិចតួច ដែលទាំងនេះគឺជាអត្តសញ្ញាណសម្គាល់នៃម៉ាក CHARLES & KEITH ជាមួយនឹងការរៀបចំប្រកបទៅដោយប្រណិតភាព និងភាពទាក់ទាញ។
ហាងថ្មីនេះ គឺរចនានិងរៀបចំឡើងយ៉ាងហ្មត់ចត់បំផុត ដែលវាជួយកាត់បន្ថយសំឡេងរំខាន ក្នុងគោលបំណងផ្តល់ឱ្យអតិថិជននូវបទពិសោធន៍ថ្មី ដើម្បីរីករាយក្នុងការស្វែងរកមុខទំនិញដែលខ្លួនពេញចិត្ត។
ជាមួយគ្នានេះដែរ ហាងថ្មីនេះ បំពាក់ដោយគ្រឿងបរិក្ខារធ្វើពីអាលុយមីញ៉ូម ថ្មម៉ាបពណ៌សប្រភេទ statuario ដែលធ្វើឱ្យការតុបតែងកាន់តែមានភាពទាក់ទាញ និងប្រណិតយ៉ាងល្អឥតខ្ចោះ រួមនឹងការតាំងបង្ហាញទំនិញស្បែកសុទ្ធ និងគុណភាពខ្ពស់របស់ម៉ាក CHARLES & KEITH។
នៅក្នុងហាងថ្មីនេះមានលក់ទំនិញជាច្រើនមុខ ប៉ុន្តែទំនិញនីមួយៗត្រូវបានរៀបចំទៅតាមប្រភេទរបស់វា ដូចជាស្បែកជើង កាបូប និង គ្រឿងលម្អផ្សេងៗ ដើម្បីផ្តល់ភាពងាយស្រួលដ់អតិថិជន ពិសេសជាងនេះទៅទៀតអតិថិជននឹងទទួលបាននូវការផ្ដល់សេវាកម្មយ៉ាងយកចិត្តទុកដាក់ពីបុគ្គលិកដ៏រួសរាយរាក់ទាក់។ ហាង CHARLES & KEITH សាខាថ្មីនៅផ្សារទំនើបជីប ម៉ុង ២៧១ មេហ្កាម៉លនេះស្ថិតនៅជាន់ផ្ទាល់ដី និងបើកពីម៉ោង ៩ ព្រឹក ដល់ម៉ោង ១០ យប់ ជារៀងរាល់ថ្ងៃ៕