ដើម្បីឱ្យការជួបជុំកាន់តែរីករាយ រំលឹកនូវអនុស្សាវីយ៍ល្អៗកាលពីវ័យកុមាររយៈពេលជាងមួយខែ ហើយដែលក្បួនរទេះការ៉េមវ៉លស៍ បានធ្វើដំណើរតាមវិថីនានាក្នុងរាជធានីភ្នំពេញរយៈពេលមួយម៉ោង មុននឹងឈប់តាមគោលដៅងាយស្រួលរកចំនួន ១៧ ទីតាំងក្នុងរាជធានីភ្នំពេញ ក្រុងតាខ្មៅ និងតាមបណ្តាវត្តនានាក្នុងរាជធានីភ្នំពេញ អំឡុងពេលភ្ជុំបិណ្ឌកន្លងមកនេះ។
ក្បួនរទេះការ៉េមវ៉លស៍តាមដងផ្លូវរួមនឹងការតុបតែងរទេះពណ៌ក្រហម មានកងបង្វិលជាប់រទេះ និងប៉ោងៗផងនោះបានទាក់ទាញភ្នែករបស់អតិថិជនគ្រប់វ័យមកគាំទ្រទិញការ៉េមវ៉លស៍ជាច្រើនមុខច្រើនរសជាតិ និងចូលរួមលេងហ្គេមងាយៗ ដោយបង្វិលកងបាញ់កាំភ្លើងជ័រ ហើយឈ្នះរង្វាន់អនុស្សាវរីយ៍ជាច្រើនដូចជា កងតម្កល់ ទូរស័ព្ទ ម៉ាស់វ៉លស៍ ការបញ្ចុះតម្លៃពីការ៉េមវ៉លស៍ និងរង្វាន់ជាច្រើនទៀត។
អតិថិជនដែលបានចូលរួម ខ្លះបានបង្ហាញអារម្មណ៍ថា ពួកគាត់នឹករលឹកដល់វ័យកុមារភាពរបស់ពួកគាត់ ដែលធ្លាប់រត់តាមកង់ការ៉េមពេលឃើញក្បួនរទេះរបស់យើង ហើយប្អូនៗកុមារមួយចំនួនទៀតបានបង្ហាញអារម្មណ៍ថា រំភើបរីករាយខ្លាំងនឹងក្បួនរទេះដែលពួកគាត់មិនធ្លាប់ឃើញពីមុនមក ហើយអ្វីដែលកាន់តែពិសេសនោះគឺវត្តមាន Influencer SOY SENGHOUR នៅតាមទីតាំងលក់នោះផងដែរ។
SOY SENGHOUR បានបង្ហាញនូវអារម្មណ៍ថា ៖«ខ្ញុំពិតជារំភើបរីករាយជាខ្លាំងណាស់ដែលបានជួបអ្នកគាំទ្ររបស់ខ្ញុំ និងញ៉ាំការ៉េមវ៉លស៍ លេងហ្គេម ថតរូបអនុស្សាវរីយ៍ជាមួយគ្នា មិនតែប៉ុណ្ណោះ ខ្ញុំសូមអរគុណដល់ការ៉េមវ៉លស៍ដែលបាននាំយកអនុស្សាវីយ៍ល្អៗពីកុមារភាពត្រលប់មកវិញ ជាមួយនឹងការលេងហ្គេមសប្បាយៗ ព្រមទាំងអាចឱ្យខ្ញុំជួបជាមួយអ្នកគាំទ្ររបស់ខ្ញុំថែមទៀត»។
អតិថិជនទាំងអស់អាចបន្តភាពរីករាយនឹងក្បួនរទេះការ៉េមវ៉លស៍ចំនួន ២០ នេះ រហូតដល់បំណាច់ឆ្នាំ ២០២២ ។ ដូចនេះនៅរង់ចាំអ្វីទៀត? សូមស្វែងរកក្បួនរទេះការ៉េមវ៉លស៍ទាំងអស់គ្នា!