ធនាគារ ប្រ៊ី​ដ ដែលជា​ធនាគារពាណិជ្ជ​កម្ពុជា​ផ្តោត​សំខាន់​លើ​អតិថិជន បាន​សហ​ការ​ជាមួយ​ក្រុមហ៊ុន Bellsnord ដែលជា​អ្នកផ្តល់​សេវា​បច្ចេកវិទ្យា​ធនាគារ​ឌីជីថល​មកពី​ប្រទេស​ម៉ាឡេស៊ី ដើម្បី​ធ្វើការ​លើ​ការផ្លាស់ប្តូរ​ប្រព័ន្ធ​ធនាគារ​ឌីជីថល​របស់ខ្លួន ខណៈ​ធន​គារ​មួយ​នេះ​មាន​គោលបំណង​ក្លាយជា​តួអង្គ​សំខាន់​មួយ​នៅក្នុង​វិស័យ​ធនាគារ​ឌីជីថល​នៅ​កម្ពុជា​។

​ពិធី​ចុះកិច្ចសន្យា​នេះ ត្រូវបាន​ធ្វើឡើង​នៅ​ថ្ងៃទី​ ៧ ខែមេសា ឆ្នាំ​ ២០២៣ ក្រោម​អធិប​តី​ភាព​លោក Gorman Siah នាយក​ក្រុមហ៊ុន Bellsnord និង​លោក Richard Liew នាយក​ប្រតិបត្តិ​នៃ​ធនាគារ ប្រ៊ី​ដ រួម​នឹង​វត្តមាន​ថ្នាក់ដឹកនាំ​ជាន់ខ្ពស់​ជាច្រើនរូប​ទៀត​មកពី​ភាគី​ទាំង​ ២​។​

«​យើង​នឹង​ធ្វើការ​យ៉ាង​ជិតស្និទ្ធ​ជាមួយ​ធនាគារ ប្រ៊ី​ដ ដោយ​ផ្តល់ឱ្យ​ពួកគេ​នូវ​ដំណោះស្រាយអ៊ិន​ធឺ​ណិ​ត DEMAIN និង​សេវា​ធនាគារ​ចល័ត​ដ៏​ទំនើប​បំផុត​សម្រាប់​ទាំង​សសរស្តម្ភ​សម្រាប់​សេវា​ធនាគារ​បុគ្គល និង​អាជីវកម្ម​របស់​ពួកគេ​»​។

​លោក Siah នាយក Bellsnord មានប្រសាសន៍ថា៖ «​ផលិតផល DEMAIN API Gateway ក៏​នឹង​ក្លាយជា​ផ្នែក​មួយ​នៃ​ការផ្តល់ជូន​របស់​ក្រុមហ៊ុន Bellsnord ដែល​អនុញ្ញាតឱ្យ​ធនាគារ ប្រ៊ី​ដ កម្ពុជា ប្រើប្រាស់​នូវ​បច្ចេកវិទ្យា​ធន​គារ API លំដាប់​ពិភពលោក​»​។​

​លោក Richard នាយក​ប្រតិបត្តិ​របស់​ធនាគារ ប្រ៊ី​ដ បាន​មានប្រសាសន៍ថា ៖«​ការផ្លាស់ប្តូរ​បច្ចេកវិទ្យា​ឌីជីថល​នឹង​គ្របដណ្តប់​លើ​ផ្នែក​សំខាន់ៗ​ចំនួន​ ៣ ដើម្បី​ជួយ​ដល់​ធនាគារ ក្នុង​ការបើក​ដំណើរការ​សេវាកម្ម​ធនាគារ​ឌីជីថល​របស់ខ្លួន​គឺ Bridge Mobile សម្រាប់​សេវា​ធនាគារ​បុគ្គល សាជីវកម្ម និង​សេវា​ធន​គារ​តាម​អ៊ី​ន​ធឺ​ណិ​ត សម្រាប់​អតិថិជន​អាជីវកម្ម​ជា​ចម្បង និង​ជាពិសេស​បច្ចេកវិទ្យា API សម្រាប់​វេទិកា​ធនាគារ​បើកចំហ​»​។​

​លោក​ថ្លែងថា​៖ «​នេះ​នឹង​អនុញ្ញាតឱ្យ​ធនាគារ​អាច​ភ្ជាប់​ទំនាក់ទំនង​ជាមួយ​ដៃគូ​គោលដៅ​យុទ្ធសាស្ត្រ​របស់​យើង​បាន​យ៉ាង​ឆាប់រហ័ស និង​ប្រកបដោយ​សុវត្ថិភាព ទាំង​ប្រព័ន្ធ​ខាងក្នុង និង​ខាងក្រៅ ដូចជា​អ្នកផ្តល់​សេវាកម្ម និយតករ អ្នក​ទូទាត់​វិក្កយបត្រ អ្នក​បញ្ចូល​ទឹកប្រាក់​ទូរស័ព្ទ ជាដើម​»​។ Bellsnord ផ្តល់នូវ​ដំណោះស្រាយ​ធនាគារ​ឌីជីថល​ពេញលេញ ងាយស្រួល​ប្រើប្រាស់ ដំណើរការ​ដោយ​បច្ចេកវិជ្ជា​កម្រិត​ខ្ពស់ និង​ពោ​ពេញ​ដោយ​អានុភាព ដែល​ភ្ជាប់​នៅក្នុង​ផលិតផល DEMAIN របស់​ពួកគេ​។

​ដូច​ផលិតផល​ដែល​ផ្តល់ជូន​, អ្នក​ប្រឹក្សា​នៃ​ក្រុមហ៊ុន Bellsnord នឹងធ្វើ​ការ​ជាមួយ​អតិថិជន​ដើម្បីឱ្យ​ពួកគេ​យល់ និង​គាំទ្រ​អាជីវកម្ម​របស់​ពួកគេ និង​អាចឱ្យ​ពួកគេ​ប្រើ​ដំណោះស្រាយ DEMAIN ដ៏​មាន​ប្រសិទ្ធិភាព ដែល​អាច​បញ្ចូល​ទៅក្នុង​ប្រព័ន្ធ​អេកូ​ធនាគារ​ដែលមាន​ស្រាប់​របស់​អតិថិជន​។

​លទ្ធផល​នេះ​មាននៅ​ក្នុងការ​ផ្តល់​បទ​ពិសោធន៍​សេវាកម្ម​ធនាគារ​ឌីជីថល​ដ៏​មាន​សុវត្ថិភាព ឆាប់រហ័ស និង​សុ​ក្រឹ​ត្រ ដែល​អតិថិជន​នឹង​រីករាយ​។ ក្រុមហ៊ុន Bellsnord មាន​វត្ត​មាននៅ​ប្រទេស​ម៉ាឡេស៊ី ប្រទេស​អារ៉ាប់​រួម វៀតណាម និង​បច្ចុប្បន្ន​នៅ​ប្រទេស​កម្ពុជា​។​

​ក្នុង​ដំណើរ​ឆ្ពោះទៅមុខ​, ក្រុមហ៊ុន Bellsnord ក៏​នឹង​សហការ​ជាមួយ​ក្រុមហ៊ុន​ផ្តល់​សេវា cloud ក្នុងស្រុក ដើម្បី​បើក​ដំណើរការ DEMAIN Financial One ដែលជា​កម្មវិធី​ហិរញ្ញវត្ថុ sovereign financial cloud (SFC) ដែល​ទទួលផល​ពី​ទំហំ​សេដ្ឋកិច្ច ដោយ​ផ្តល់នូវ​កម្មវិធី​ហិរញ្ញវត្ថុ និង​ធនាគារ​រួមគ្នា​ជា​សេវាកម្ម cloud​។

​វិស័យ​ធនាគារ​នឹង​អាច​ផ្តោតលើ​ការផ្លាស់ប្តូរ​អាជីវកម្ម​ដោយ​ការផ្តល់​នូវ​កម្មវិធី​ស្វ័យប្រវត្តិកម្ម​ហិរញ្ញវត្ថុ​ពេញលេញ រួមទាំង​ប្រព័ន្ធ​ធនាគារ​ស្នូល ទៅកាន់​សេវា​សេវាកម្ម DEMAIN Financial One cloud​។​

​សេវាកម្ម​ដែល​គ្រប់គ្រង​ដោយ ICT រួមទាំង​គំរូ​សេវាកម្ម​គ្រប់គ្រង​កាត​ដូចជា TPP ក៏ត្រូវ​បានផ្តល់​ជា​ជម្រើស​ផងដែរ​។​

​ធនាគារ ប្រ៊ី​ដ គឺជា​ធនាគារពាណិជ្ជ​ក្នុងស្រុក​មួយ​ដែលមាន​ចក្ខុវិស័យ​ក្នុងការ​ក្លាយជា​ដៃគូ​ហិរញ្ញវត្ថុ​សម្រាប់​ពេលបច្ចុប្បន្ន និង​សម្រាប់​មនុស្ស​ជំនាន់​ក្រោយ ដោយ​ផ្តល់នូវ​សេវាកម្ម​ហិរញ្ញវត្ថុ​គួរ​ជាទី​ជឿទុកចិត្ត តាមរយៈ​ស្តង់ដារ​សេវាកម្ម​ជា​សកល​របស់ខ្លួន និង​ធ្វើឱ្យ​ការប្រើ​សេវាកម្ម​ធនាគារ​មាន​ភាពងាយស្រួល និង​មាន​សុវត្ថិភាព​៕