ក្រុមហ៊ុន​ ឡូជីស្ទីក​លំដាប់​ពិភពលោក​ ឌីប៊ី សេនឃើរ កាល​ពី​ថ្ងៃទី​០៤ ខែ​មេសា បាន​ប្រារព្ធ​ពិធី​សម្ពោធ​ការិយាល័យ​អាជីវកម្ម​ថ្មី​របស់​ខ្លួន ដោយ​មាន​ការ​ចូលរួម​ពី​ភ្ញៀវ​កិត្តិយស​ជាច្រើន​រូប​ក្នុង​នោះ​ក៏​មាន​វត្តមាន​ដ៏​ខ្ពង់ខ្ពស់​របស់​ឯកអគ្គ​រដ្ឋទូត​នៃ​សហព័ន្ធ​អាល្លឺម៉ង់​ប្រចាំ​នៅ​ព្រះរាជាណាចក្រ​កម្ពុជា ឯកឧត្តម Stefan Messerer រួមទាំង​អតិថិជន និង​ដៃគូ​អាជីវកម្ម​ជាច្រើន​ទៀត។

ការ​បើក​ដំណើការ​ការិយាល័យ​ថ្មី​នេះ គឺជា​តម្រុយ​ចរ​ដ៏​គួរឱ្យ​កត់​សម្គាល់​មួយ​ដែល​បង្ហាញ​អំពី​ការ​រីក​ចម្រើន​របស់​ក្រុមហ៊ុន​នៅក្នុង​តំបន់ ហើយ​ការណ៍​នេះ​ត្រូវបាន​រំពឹងថា​ នឹង​អាច​ឱ្យ​ក្រុមហ៊ុន​ពង្រីក​សមត្ថភាព​របស់​ខ្លួន​ដើម្បី​ឆ្លើយតប​នឹង​តម្រូវការ​ផ្នែក​ ឡូជីស្ទីក ដែល​កំពុង​កើនឡើង​នៅក្នុង​ប្រទេស​ផងដែរ។

តម្រូវ​ការ​នៃ​មធ្យោបាយ​ ឡូជីស្ទីក ​ប្រកប​ដោយ​នវានុវត្តន៍​និង​ប្រកប​ដោយ​ចិរភាព​នៅ​កម្ពុជា គឺ​កំពុងតែ​កើន​ឡើង​ហើយ​ក្រុមហ៊ុន ឌីប៊ី សេនឃើរ ក៏​កំពុងតែ​ឈរ​ខ្លួន​ឱ្យ​ឆ្លើយតប​នឹង​តម្រូវ​ការ​ទាំងនេះ​ផងដែរ។ ការិយាល័យ​ថ្មី​ដែល​មាន​ទីតាំង​នៅ​រាជធានី​ភ្នំពេញ​នឹង​ក្លាយជា​មជ្ឈមណ្ឌល​សម្រាប់​ប្រតិបត្តិការ​របស់ ឌីប៊ី សេនឃើរ ទាំង​នៅ​ក្នុង​ព្រះរាជាណាចក្រ​កម្ពុជា និង​ក្នុង​តំបន់​ផងដែរ។

ការិយាល័យ​ថ្មី​នេះ​នឹង​បម្រើការ​ដោយ​បុគ្គលិក​ដែលមាន​ជំនាញ​វិជ្ជាជីវៈ​ ឡូជីស្ទីក មួយ​ក្រុម​ដោយ​ពួកគាត់​នឹង​ធ្វើ​ការ​យ៉ាង​ជិតស្និទ្ធ​ជាមួយ​ធុរកិច្ច​ក្នុង​ស្រុក ក៏​ដូចជា​អន្តរជាតិ ដើម្បី​ផ្តល់នូវ​ដំណោះស្រាយ​ ឡូជីស្ទីក សម្រាប់​តម្រូវ​ការ​ខ្សែចង្វាក់​ផ្គត់ផ្គង់​របស់​ពួកគេ។

ចំណុចខ្លាំង​ដ៏​ខ្លាំង​មួយ​របស់​ក្រុមហ៊ុន​ ឌីប៊ី សេនឃើរ គឺ​សមត្ថភាព​ក្នុងការ​ផ្តល់នូវ​សេវាកម្ម​ ឡូជីស្ទីក ប្រកប​ដោយ​នវានុវត្តន៍​ពី​ដើម​ដល់​ចប់ (innovative end-to-end logistics services) ដែល​រាប់​ចាប់​តាំង​ពី​ការ​ដឹក​ជញ្ជូន​ទំនិញ (Freight forwarding) ការ​ជម្រះ​ជើងសារ​គយ (customs clearance) រហូត​ដល់​ការ​រក្សា​ទុក​ក្នុង​ឃ្លាំង​ (warehousing) និង​ការ​ចែកចាយ (distribution)​។

ការណ៍​នេះ នឹង​អាច​អនុញ្ញាតឱ្យ​ក្រុមហ៊ុន​ផ្តល់ជូន​នូវ​សេវាកម្ម​ ឡូជីស្ទីក ជា​កញ្ចប់​ដែល​មាន​គ្រប់​សេវាកម្ម សម្រាប់​គ្រប់​ទំហំ​អាជីវកម្ម មិន​ថា​ជា​អាជីវកម្ម​នាំចូល​វត្ថុ​ធាតុ​ដើម ឬ​នាំចេញ​ផលិតផល​សម្រេច​ដូចជា​ស្បែកជើង គ្រឿង​អេឡិចត្រូនិច ឬ​សម្លៀកបំពាក់​ឡើយ។

ការបើក​ការិយាល័យ​ថ្មី​នៅ​កម្ពុជា​ គឺជា​ផ្នែក​មួយ​នៃ​យុទ្ធសាស្ត្រ​របស់ ឌីប៊ី សេនឃើរ ដើម្បី​ពង្រឹង​វត្តមាន​របស់​ខ្លួន​នៅក្នុង​តំបន់។ ព្រះ​រាជាណាចក្រ​កម្ពុជា​គឺជា​ផ្នែក​មួយ​នៃ​ចង្កោម​ ឌីប៊ី សេនឃើរ មេគង្គ (DB Schenker''s Mekong Cluster) ដែល​ក្នុងនោះ​រួមមាន សាធារណរដ្ឋ​សង្គមនិយម​វៀតណាម ព្រះរាជាណាចក្រ​ថៃ សាធារណរដ្ឋ​សហភាព​មីយ៉ាន់ម៉ា និង​សាធារណរដ្ឋ​ប្រជាធិបតេយ្យ​ប្រជាមានិត​ឡាវ។

«យើង​ពិតជា​រំភើប​ក្នុង​ការសម្ពោធ​ការិយាល័យ​ថ្មី​របស់​យើង​នៅ​ព្រះរាជាណាចក្រ​កម្ពុជា» នេះ​គឺជា​ប្រសាសន៍​របស់​លោក Thomas Sorensen នាយក​ប្រតិបត្តិ​នៃ​ចង្កោម ឌីប៊ី សេនឃើរ​មេគង្គ។

លោក​ក៏បាន​បន្ថែម​ផងដែរ​ថា៖ «វត្តមាន​របស់​យើង​នៅក្នុង​ព្រះរាជាណាចក្រ​កម្ពុជា​ចាប់​តាំង​ពី​ឆ្នាំ ២០០៧ បាន​នាំមក​នូវ​ការ​រីក​ចម្រើន​ជា​លំដាប់​សម្រាប់​អាជីវកម្ម​របស់​យើង។ ការ​បើក​ការិយាល័យ​ថ្មី​នេះ​ គឺជា​ដំណើរ​ប្រកប​ដោយ​យុទ្ធសាស្ត្រ​មួយ ដែល​នឹង​អនុញ្ញាតឱ្យ​យើង​អាច​ផ្តល់​សេវា​ជូន​អតិថិជន​របស់​យើង​បាន​កាន់តែ​ល្អប្រសើរ និង​ដើម្បី​ទាញយក​អត្ថប្រយោជន៍​ពី​ឱកាស​ដែល​កំពុង​កើត​ចេញ​ពី​ទីផ្សារ​នៃ​ព្រះរាជាណាចក្រ​កម្ពុជា»។

ការបើក​ឱ្យ​ដំណើរការ​ការិយាល័យ​ថ្មី​របស់​ក្រុមហ៊ុន​ ឌីប៊ី សេនឃើរ នៅ​ព្រះរាជាណាចក្រ​កម្ពុជា បាន​បង្ហាញ​ពី​ការអភិវឌ្ឍ​ដ៏​វិជ្ជមាន​មួយ​របស់​ក្រុមហ៊ុន។ តាម​រយៈ​ការផ្តល់ជូន​ធុរកិច្ច​ផ្សេងៗ​នូវ​សេវាកម្ម​ ឡូជីស្ទីក ដែល​មាន​គុណភាព​ខ្ពស់ និង​ប្រកប​ដោយ​នវានុវត្តន៍ ក្រុមហ៊ុន​ក៏​កំពុង​ចូលរួម​ចំណែក​ក្នុង​ការ​សម្រួល​ដល់​ពាណិជ្ជកិច្ច និង​កំណើន សេដ្ឋកិច្ច ក៏​ដូចជា​ចូលរួម​ចំណែក​ដល់​ការ​អភិវឌ្ឍ​ជា​បន្តបន្ទាប់​នៅ​ក្នុង​តំបន់​ទាំងមូល​ផងដែរ៕