រមណីយដ្ឋាន Amber Kampot ចាប់ពីថ្ងៃទី ២៣ ដល់ថ្ងៃទី ២៥ ខែឧសភានេះ នឹងរៀបចំកម្មវិធីប្រកួតប្រណាំងទូកកាយ៉ាក 2023 Kampot River Kayak Challenge ដែលជាឱកាសដ៏ល្អឥតខ្ចោះ ដើម្បីបង្ហាញពីសមត្ថភាពជិះទូកកាយ៉ាក ក៏ដូចជាដើម្បីបង្កើតមិត្តភាព ក្នុងនោះក៏មានរង្វាន់ជាទឹកប្រាក់ជាង ៤,០០០ ដុល្លារផងដែរ។
ការប្រកួតរយៈពេល ៣ ថ្ងៃនៅ Kampot River នឹងពោរពេញដោយភាពរីករាយ ក្នុងនោះនឹងមានរង្វាន់ជាសាច់ប្រាក់ មេដាយ ប៉ុន្តែការចុះឈ្មោះផុតកំណត់ត្រឹមថ្ងៃទី ១៥ ខែឧសភា។
ព្រឹត្តិការណ៍នេះនឹងមានអ្នកជំនាញជិះទូកកាយ៉ាកជាច្រើនចូលរួម ហើយត្រូវបែកចែកជា ៣ ប្រភេទ គឺ «Fun», «Semi-Pro» និង «Pro» ដែលប្រភេទនីមួយៗត្រូវតាមកំណត់តាមអាយុ និងចម្ងាយជាក់លាក់។
ប្រភេទ Fun - អាយុ១៨ ឆ្នាំ; ចម្ងាយ៖ ៥០០ ម៉ែត្រ
ប្រភេទ Semi-Pro - គ្រប់ប្រភេទអាយុ; ចម្ងាយ៖ ២,០០០ ម៉ែត្រ
ប្រភេទ Pro - គ្រប់ប្រភេទអាយុ; ចម្ងាយ៖ ៥,០០០ ម៉ែត្រ
នៅក្នុងប្រភេទនីមួយៗ ជយលាភីកំពូលទាំង ៣ មិនត្រឹមតែទទួលបានមេដាយ និងពានប៉ុណ្ណោះទេ ថែមទាំងទទួលបានប្រាក់រង្វាន់ទៀតផង។
ប្រភេទ Fun - លេខ ១ ទទួលបាន: ៣៥០ ដុល្លារ; លេខ ២៖ ២០០ ដុល្លារ; លេខ ៣៖ ១០០ ដុល្លារ។
ប្រភេទ Semi-Pro - លេខ ១ ទទួលបាន: ៨០០; លេខ ២: ៤០០ ដុល្លារ; លេខ ៣៖ ២០០ ដុល្លារ។
ប្រភេទ Pro - លេខ ១ ទទួលបាន: ១ ៥០០ ដុល្លារ; លេខ ២: ៥០០ ដុល្លារ; លេខ ៣៖ ២៥០ ដុល្លារ។
ដើម្បីចូលរួម លោកអ្នកគ្រាន់តែបំពេញទម្រង់បែបបទចុះឈ្មោះ គិតត្រឹមថ្ងៃទី ១៥ ខែឧសភា អត្តសញ្ញាណប័ណ្ណថតចម្លង។ អ្នករៀបចំរក្សាសិទ្ធិកំណត់ចំនួនអ្នកចុះឈ្មោះ ដូច្នេះសូមប្រញាប់រួសរាន់ឡើង! សូមចំណាំថាអ្នកចូលរួមទាំងអស់ត្រូវតែមានអាយុយ៉ាងតិច ១៨ ឆ្នាំឡើង។
មគ្គុទ្ទេសក៍ប្រកបដោយជំនាញវិជ្ជាជីវៈរបស់រមណីយដ្ឋាន Amber Kampot រង់ចាំស្វាគមន៍យ៉ាងកក់ក្តៅ ដើម្បីចាប់ផ្តើមដំណើរដ៏រីករាយនៅតាមដងទន្លេនៃខេត្តកំពតដែលមានទេសភាពដ៏ស្រស់ត្រកាល ពោរពេញទៅដោយអនុស្សាវរីយ៍ដែលមិនអាចបំភ្លេចបាន។
សម្រាប់ព័ត៌មានបន្ថែម ឬជំនួយក្នុងការចុះឈ្មោះ សូមទាក់ទង +855 66 775 542 ឬ +855 81 299 014៕
