Phnom Penh Post - BOGGI MILANO បើកដំណើរការសាខាដំបូងរបស់ខ្លួននៅផ្សារទំនើប អ៊ីអនម៉ល មានជ័យ
ម៉ាកសម្លៀកបំពាក់បុរស Boggi Milano នៅដើមខែឧសភានេះ បានចាប់បើកហាងទី១ របស់ខ្លួនហើយ ក្នុងព្រះរាជាណាចក្រកម្ពុជា ដែលស្ថិតនៅផ្សារទំនើប អ៊ីអនម៉ល មានជ័យ។ អតិថិជនទាំងអស់ អាចរីករាយជាមួយបរិយាកាសដ៏ថ្លៃថ្នូរ និងរាក់ទាក់ ជាមួយនឹងការតុបតែងយ៉ាងទំនើប។
រចនាប័ត្នរបស់ហាងបែបសាមញ្ញនិងទាន់សម័យនេះ នឹងស្វាគមន៍អតិថិជនឱ្យស្គាល់ពី ខូលិកសិន ថ្មីរបស់ Boggi Milano ដែលមាននៅក្នុងនិន្នាការបច្ចុប្បន្ន និងជួយបំពេញតម្រូវការបុរសសម័យថ្មី។
សម្លៀកបំពាក់បុរស Boggi Milano សម្រាប់និទាឃរដូវ និង វស្សាន្តរដូវ ឆ្នាំ ២០២៣ ជាសម្លៀកបំពាក់ដ៏មានផាសុកភាព និង ទាន់សម័យ ចូលរួមផ្តល់នូវបទពិសោធន៍ដ៏ល្អឥតខ្ចោះសម្រាប់ការបង្កើតរូបរាងដោយគ្មានដែនកំណត់ ដែលបានឆ្លុះបញ្ចាំងនៅក្នុងឈុតដ៏ចម្រុះរបស់អាវផាយ និងអាវធំដែលនាំត្រឡប់មកវិញនូវរចនាប័ទ្ម និង អត្តសញ្ញាណពិតប្រាកដរបស់ប្រទេស អ៊ីតាលី ដោយមានលក់នូវសម្លៀកបំពាក់ដ៏ប្រណីត ទាន់សម័យ ហើយម៉ាក Boggi Milano ក៏មានសម្លៀកបំពាក់កីឡា និង ស្បែកជើងពាក់ធម្មតាច្រើនចម្រុះផងដែរ។
លោក YC NG អ្នកគ្រប់គ្រងទូទៅនៃ Unity International Trading Co.ដៃគូផ្តាច់មុខរបស់ Boggi Milano នៅព្រះរាជាណាចក្រកម្ពុជា មានប្រសាសន៍ថា ៖«Boggi Milano មានភាពល្បីល្បាញ ព្រោះផលិតផលរបស់គេ គឺស័កិ្កសមសម្រាប់គ្រប់កម្មវិធី មិនថា សម្រាប់ពេលលំហែកាយ ឬសម្រាប់កម្មវិធីផ្លូវការសំខាន់ៗនោះទេ។ រចនាបត័្នសម្លៀកបំពាក់របស់ Boggi Milano គឺជាការរួមបញ្ចូលគ្នាដ៏ល្អឥតខ្ចោះរវាងធាតុផ្សំដ៏សំខាន់ចំនួន ២ គឺការស្រាវជ្រាវអំពីរចនាម៉ូត និង គុណភាពនៃក្រណាត់ដែលពួកគេ តែងមានការលម្អៀងចិត្តទៅលើការប្រើប្រាស់សរសៃអំបោះសរីរាង្គ និងវត្ថុធាតុដើមកែច្នៃ»។
Boggi Milano គឺជាម៉ាកអ៊ីតាលីមួយដែលមានហាងចំនួន ១៩០ នៅក្នុង ៣៩ ប្រទេស។ ម៉ាកនេះមានចំណុចផ្តោតសម្តៅលើការច្នៃប្រឌិត និងការការពារបរិស្ថាន ដោយយកវត្ថុធាតុដើមដែលមានគុណភាព និងផលប្រយោជន៍ខ្ពស់មកប្រើ។ សព្វថ្ងៃ ចំណង់ចំណូលចិត្តរបស់ម៉ាក ត្រូវបានផ្តល់ទៅឱ្យសរសៃអំបោះសរីរាង្គ វត្ថុធាតុដើមកែច្នៃ ក្រណាត់ដែលមានការបញ្ជាក់ និងលក្ខណៈប្រណីតបំផុត៕