ហាងបឺហ្គឺរ Belly Burger ដែលជាយីហោបង្កើតឡើងដោយការសហការរវាងសហគ្រិនកូនខ្មែរវ័យក្មេង ២ រូប គឺអ្នកនាង គីម ប៊ួយ និងលោក ក្លា នេត្រា កាលពីថ្ងៃទី ១០ ខែមិថុនា ឆ្នាំ ២០២៣ នេះបានបន្តបើកសម្ពោធសាខាទី២ របស់ខ្លួនដែលមានទីតាំងស្ថិតនៅតាមបណ្តោយផ្លូវ ២០០៤ នៅជិតផ្សារទំនើបមីតថោន រួមជាមួយវត្តមានថ្នាក់ដឹកនាំក្រុមហ៊ុន និងភ្ញៀវកិត្តិយសជាច្រើនរូបបន្ទាប់ពីសាខាទី១ នៅផ្សារ Eden Garden ទទួលបានការគាំទ្រយ៉ាងខ្លាំងពីអតិថិជន។
នៅក្នុងពិធីសម្ពោធនោះហាងបឺហ្គឺរ Belly Burger មានការចែកបឺហ្គឺរដោយឥតគិតថ្លៃចំនួន ៥០០ ឈុត ដើម្បីឱ្យបងប្អូនបានសាករសជាតិដ៏ឈ្ងុយឆ្ងាញ់នៃបឺហ្គឺរដែលបង្កើតឡើងដោយកូនខ្មែរនេះ។ លើសពីនេះក្រុមហ៊ុនក៏បានចុះហត្ថលេខាលើកិច្ចព្រមព្រៀងភាពជាដៃគូជាមួយក្រុហ៊ុនដឹកជញ្ជូនអាហារ Nham24 ផងដែរ ដើម្បីផ្តល់ភាពងាយស្រួលដល់អថិជនក្នុងការកុម្ម៉ង់បឺហ្គឺរដ៏ឈ្ងុយឆ្ងាញ់ទៅដល់គេហដ្ឋានផ្ទាល់តែម្តង។
ថ្លែងនៅក្នុងពិធីសម្ពោធហាង Belly Burger ទី២ អ្នកនាង គីម ប៊ួយ បានថ្លែងថា៖ «ការទទួលបានការគាំទ្រយ៉ាងខ្លាំងពីអតិថិជនក្នុងរយៈពេលដ៏ខ្លីបែបនេះ គឺដោយសារតែបឺហ្គឺរ Belly Burger មានរសជាតិឈ្ងុយឆ្ងាញ់រាល់គ្រឿងទេសមានដូចជាសាច់ បន្លែសុទ្ធតែមានគុណភាពខ្ពស់។ ចំពោះសាច់គោវិញគឺហាងប្រើសាច់គោ Wagyu ដែលជាប្រភេទសាច់ស្រស់មិនដែលកកមានគុណភាពខ្ពស់នាំចូលពីប្រទេសអូស្ត្រាលីចំណែកឯនំប៉័ងវិញគឺហាងដុតធ្វើថ្មីៗជារាល់ថ្ងៃ ហើយចំពោះដំឡូងវិញគឺនាំចូលពីប្រទេសហូឡង់ ដើម្បីធានាបាននូវរសជាតិដ៏ឈ្ងុយឆ្ងាញ់និងមានសុវត្ថិភាពបំផុតសម្រាប់អថិតិជន»។
អ្នកនាង គីម ប៊ួយ ក៏បានបញ្ជាក់ថា នេះជាមោទនភាពមួយសម្រាប់កូនខ្មែរដែលបានបង្កើតបឺហ្គឺរមួយដែលទទួលបានការគាំទ្រយ៉ាងខ្លាំងពីអតិថិជននៅក្នុងរយៈពេលដ៏ខ្លីបែបនេះ។ ដើម្បីជាការឆ្លើយតបទៅនឹងការគាំទ្រនេះក្រុមហ៊ុនក៏មានគម្រោងពង្រីកសាខាឱ្យបានកាន់តែច្រើនទាំងនៅក្នុងទីក្រុងភ្នំពេញ និងតាមបណ្តាខេត្ត។
ដូច្នេះសម្រាប់បងប្អូនដែលចង់ទទួលបាននូវរសជាតិបឺហ្គឺរដែលមានគុណភាពរសជាតិឆ្ងាញ់ តម្លៃសមរម្យ និងសេវាកម្មរហ័សកុំភ្លេច Belly Burger ដែលមានទីតាំងនៅផ្លូវ ២០០៤ ឬនៅផ្សារ Eden Garden ទាំងអស់គ្នា ឬក៏អាចកម្មងទិញតាម App Nham24 បានផងដែរ (ទស្សនាវីដេអូ Belly Burger)៕