.jpg)
ពិព័រណ៍ 1 Khmer រៀបចំដោយក្រុមហ៊ុន ENGAGE នឹងក្លាយជាព្រឹត្តិការណ៍ B2B និង B2C ដំបូងបង្អស់នៅកម្ពុជា ដែលនឹងប្រារព្ធធ្វើឡើងនៅសាលតាំងពិព័រណ៍ខាងក្នុងផ្សារទំនើប Olympia Mall ចាប់ពីថ្ងៃទី ១១-១៣ ខែសីហា ឆ្នាំ ២០២៣ ខាងមុខ។
ដោយមានការគាំទ្រជាផ្លូវការពីផ្សារមូលបត្រកម្ពុជា (CSX) និងនិយតករទីផ្សារមូលបត្រកម្ពុជា (SERC) ពិព័រណ៍ 1 Khmer នឹងក្លាយជាវេទិកាដ៏ល្អមួយសម្រាប់ក្រុមហ៊ុនកម្ពុជា និងអន្តរជាតិ ដើម្បីបង្ហាញផលិតផល និងសេវាកម្មរបស់ពួកគេ ដើម្បីទទួលបានភាពជោគជ័យ។
ការតាំងពិព័រណ៍នេះ នឹងធ្វើឡើងដោយមានការចូលរួមពីសភាពាណិជ្ជកម្ម និងសមាគមធុរកិច្ចក្នុងស្រុក និងអន្តរជាតិ ហើយមិនត្រឹមតែផ្តល់ឱកាសសម្រាប់ក្រុមហ៊ុននានាក្នុងការតភ្ជាប់ទំនាក់ទំនងរវាងគ្នានឹងគ្នាប៉ុណ្ណោះទេ ប៉ុន្តែថែមទាំងអាចឱ្យពួកគេភ្ជាប់ទំនាក់ទំនងដោយ ផ្ទាល់ជាមួយអ្នកទិញ និងអ្នកចូលរួមដ៏មានសក្តានុពលផងដែរ។
យោងតាមលោក James Ong នាយកប្រតិបត្តិនៃក្រុមហ៊ុន ENGAGE បានឱ្យដឹងថា៖ «ពិព័រណ៍ 1Khmer នឹងបម្រើជាវេទិកាទីផ្សារដ៏សំខាន់មួយសម្រាប់ក្រុមហ៊ុននានាក្នុងការផ្សព្វផ្សាយម៉ាកយីហោរបស់ពួកគេ និងបង្កើតទំនាក់ទំនងដ៏មានប្រសិទ្ធភាព»។
«យើងមានសេចក្តីសោមនស្សរីករាយក្នុងការផ្តល់ឱកាសនេះសម្រាប់អាជីវកម្មដើម្បីការរីកចម្រើននៅក្នុងទីផ្សារកម្ពុជា»។
ការតាំងពិព័រណ៍នេះនឹងមានវិស័យចម្រុះជាច្រើនចូលរួម ដូចជា មូលបត្រ ធនាគារ មីក្រូហិរញ្ញវត្ថុ ចំណីអាហារ និងភេសជ្ជៈ ទូរគមនាគមន៍ និងធានារ៉ាប់រង ខណៈក្រុមហ៊ុនចុះបញ្ជីសាធារណៈ សាលាអន្តរជាតិ និងសាកលវិទ្យាល័យ ក្រុមហ៊ុនអភិវឌ្ឍន៍អចលនទ្រព្យ ក្រុមហ៊ុនរថយន្ត និងក្រុមហ៊ុនផ្តល់សេវាអ៊ីនធឺណិត ក៏នឹងមានវត្តមានផងដែរ។
ក្នុងនោះក៏នឹងមានក្រុមហ៊ុនសំណង់ ក្រុមហ៊ុនស្ថាបត្យកម្ម សណ្ឋាគារ វិស្វកម្ម បច្ចេកវិទ្យា អាកាសចរណ៍ វេជ្ជសាស្ត្រ រួមនឹងក្រុមហ៊ុនដែលជាម៉ាកយីហោល្បីៗជាច្រើនទៀត។
ចំពោះការចូលរួមតាំងពិព័រណ៍ គឺមានតម្លៃសមរម្យដោយតម្លៃចាប់ពី ៥៥០ ដុល្លារ សម្រាប់ស្តង់ដែលបំពាក់បរិក្ខារពេញលេញ ខណៈការឧបត្ថម្ភចាប់ពី ២ ២០០ ដុល្លារ ជាមួយនឹងកន្លែងតាំងពិព័រណ៍ធំទូលាយ។
សម្រាប់ព័ត៌មានបន្ថែមអំពីការតាំងពិព័រណ៍នេះ សូមទំនាក់ទំនងទូរស័ព្ទ (081/089) 929 369, ឬ (092) 868 700 (ភាសាខ្មែរ) និង (015) 549 422 (ភាសាអង់គ្លេស)។
