ក្រុមហ៊ុន THH Import Export Co., Ltd កាលពីថ្ងៃទី ១៨ ខែសីហា ឆ្នាំ ២០២៣ បានប្រារព្ធកម្មវិធីសម្ពោធលក់ជាផ្លូវការរថយន្ត GAC EMKOO (ជីអេស៊ីអ៊ឹមឃូ) ដែលជារថយន្តម៉ូឌែលថ្មីរបស់ GAC MOTOR ដែលរចនាលំនាំតាមរថយន្តបែបវិទ្យាសាស្ត្រ ដើម្បីបំពេញតម្រូវការរបស់អតិថិជននៅក្នុងទីផ្សារប្រទេសកម្ពុជា។

ក្រឡេកមកមើលលក្ខណៈពិសេសរបស់រថយន្ត EMKOO ជាប្រភេទរថយន្ត SUV ខ្នាតតូចបែបស្ព័រដែលមានការរចនាឡើងជាមួយរូបរាងថ្មីប្លែកលំនាំតាមរថយន្តបែបវិទ្យាសាស្ត្រ (Sci-Fi Designed Concept) ស័ក្តិសមបំផុតសម្រាប់អ្នកបើកបរជំនាន់ថ្មី។ ការរចនាផ្នែកខាងមុខ គឺស្រដៀងទៅនឹងរថយន្តអគ្គីសនីជាមួយប៉ាណាបញ្ឈរចំនួន 12 រាង្គជាអក្សរ "V" ដែលមានន័យថា "ជ័យជំនះ" ភ្ជាប់ជាមួយការរចនាចង្កៀងមុខដែល GAC ឱ្យឈ្មោះថា Eye of Enlightenment ដែលផ្តល់នូវភាពទាក់ទាញ និងឧត្តមភាពនៅពេលបើកបរ។ ជាមួយដៃទ្វារបង្កប់ប្រភេទ Electronic Flush Door និងកង់អាលុយម៉ីញ៉ូមទំហំ 19 អ៊ីង។ ងាកមកមើលផ្នែកខាងក្រោយកាន់តែលេចធ្លោជាមួយការរចនាភ្លើងក្រោយរាង្គអក្សរ "X" និងបំពាក់បំពង់ស៊ីមាំងភ្លោះបែបស្ព័រ។

រថយន្ត EMKOO ត្រូវបានផលិតនៅលើគ្រោងតួសកល GPMA (GAC Global Platform Modular Architecture) ដែលមានលក្ខណៈធន់ រឹងមាំ សន្សំសំចៃ និងផ្តល់នូវគុណភាពខ្ពស់ក្នុងការបើកបរ។ វាបានបំពាក់ម៉ាស៊ីនសាំងសេរីថ្មីដែល GAC ឱ្យឈ្មោះថា Mega Wave Power ទំហំ 1.5T GDI ផលិតកម្លាំងបាន 177 Hp និងកម្លាំងរមួល 270 Nm ភ្ជាប់ជាមួយប្រអប់លេខ 07 វគ្គអូតូ (7WDCT) ប្រភេទ Wet Dual Clutch Transmission អាចបង្កើនល្បឿនពីចំណុច 0 ទៅ 100 ក្នុងរយៈពេលត្រឹម 8.8 វិនាទីប៉ុណ្ណោះ ព្រមទាំងកំរិតស៊ីប្រេងស្តង់ដារត្រឹមតែ 6.4 លីត្រ/100 គីឡូម៉ែត្រ។

ក្រៅពីនោះរថយន្តដ៏ប្រណីតនេះបំពាក់មកជាមួយបច្ចេកវិទ្យាឆ្លាតវៃដូចជា៖ ប្រព័ន្ធកំណត់ល្បឿនថេរតាមយានយន្តខាងមុខ Adaptive Cruise Control, ប្រព័ន្ធផ្តល់សញ្ញាពេលមានឧបសគ្គនៅខាងមុខ Forward Collision Warning, ប្រព័ន្ធហ្វ្រាំងបន្ទាន់អូតូ Autonomous Emergency Braking, ប្រព័ន្ធរក្សាឡានឱ្យនៅក្នុងគន្លងត្រឹមត្រូវ Lane Keeping Assist, ប្រព័ន្ធជំនួយពេលកកស្ទះចរាចរ Traffic Jam Assist។ ក្នុងនោះក៏បំពាក់ជាមួយកៅអីស្បែកដែលត្រូវបានជ្រើសរើសយ៉ាងយកចិត្តទុកដាក់ និងដេរដោយដៃផ្ទាល់ ដើម្បីផ្តល់នូវផាសុកភាព និងប្រណិតភាព។

សម្រាប់ព័ត៌មានលម្អិត សូមទំនាក់ទំនងមកផ្នែកលក់ផ្ទាល់៖ 095999029/ 095999268 ឬ អញ្ជើញមកអគារតាំងបង្ហាញលក់រថយន្ត: អគារ #11 មហាវិថីសហព័ន្ធរុស្សី សង្កាត់កាកាប ខណ្ឌពោធិ៍សែនជ័យ ក្រុងភ្នំពេញ (ខាងកើតផ្សារពោធិ៍ចិនតុងប្រហែល 100 ម៉ែត្រ)៕