ក្រុមហ៊ុន DKHN KLASSY SIGNATURE CO., LTD. ដែលជាម្ចាស់​របស់​ហាងលក់​នាឡិកាដៃ ប្រណិត KLASSY WATCHES កាលពី​ថ្ងៃទី២០ ខែមករា ឆ្នាំ២០២៤ បានរៀបចំ​កម្មវិធីចុះ ហត្ថលេខា​ជាផ្លូវការ​លើកិច្ចព្រមព្រៀង​ទូតសុច្ឆន្ទៈ ​របស់​នាឡិកា​​ម៉ាក D1 Milano ដែលជាម៉ាក ដ៏ល្បីល្បាញមក​ពីទីក្រុង Milan របស់​ប្រទេស​អ៊ីតាលី ជាមួយនិង​លោក ថេណា​ (Tena) ដែលត្រូវ បានគេស្គាល់ថា​ជាអ្នកនិពន្ធ​បទភ្លេង Original និងជាអ្នកចម្រៀងម្នាក់ ដែលកំពុងមាន​ប្រជាប្រិយភាព​យ៉ាងខ្លាំង​នៅក្នុងប្រទេស​កម្ពុជា។ 

កម្មវិធីនេះ ​ក៏មានការអញ្ចើញ​ចូលរួមយ៉ាងពិសេស​ពីសហស្ថាបនិក នាយកប្រតិបត្តិ និងថ្នាក់ដឹកនាំ​របស់​ក្រុមហ៊ុន​ជាច្រើនរូប​ផងដែរ។ ឆ្លៀតក្នុងឱកាសនេះ​ក្រុមការងារ KLASSY WATCHES ក៏បាន​បង្ហាញ​នូវ​ខូលិចសិនថ្មីៗ​ជាច្រើនគ្រឿង​សំរាប់​ឆ្នាំ២០២៤ ខាងមុខ ជាពិសេស​សម្រាប់​រដូវ​កាល​ចូល​ឆ្នាំ​ប្រពៃណីចិន និងទិវា​នៃសេចក្តីស្រលាញ់​ដែលនឹងឈានចូល​មកដល់ក្នុង​ពេលឆាប់ៗនេះ។

ថ្នាក់ដឹកនាំ KLASSY WATCHES មានសុទិដ្ឋិនិយមថា លោក ថេណា គឺជា​កម្លាំង​ចលករ​យ៉ាង​សំខាន់​មួយដើម្បីជំរុញ​ការទទួលស្គាល់ម៉ាក D1 Milano នៅក្នុងប្រទេសកម្ពុជា​ឱ្យ​កាន់​តែ​ទូលំទូលាយ​ជាងមុន។ 

ថ្នាក់ដឹកនាំ KLASSY WATCHES ក៏មានមោទនភាពយ៉ាងក្រៃលែង​ដែលបាននាំមក​នូវផលិតផល​នាឡិកា​ដែលមានប្រភព​ច្បាស់លាស់ តម្លៃសមរម្យ និងធានានូវ​គុណភាព​ខ្ពស់។

សូមបញ្ជាក់ផងដែរ​ថា D1 Milano គឺជាម៉ាក​នាឡិកា​ដ៏ពេញនិយមមួយ​ដែលមានដើមកំណើត​ពីទីក្រុង Milan របស់​ប្រទេស​អ៊ីតាលី។ 

ដោយផ្តោតសំខាន់​ទៅលើការបង្កើត​និន្នាការថ្មី​នៅក្នុងទីផ្សារ​នាឡិកា​ដែលមានតម្លៃ​សមរម្យ​ជាមួយនឹង​ការធានា​នូវគុណភាព​ខ្ពស់ ធ្វើឱ្យ D1 Milano ត្រូវបានគេ​ទទួលស្គាល់​ថា ជាម៉ាក​នាឡិកា​ ដែលមានការ​រីកចម្រើនលឿនបំផុត​នៅក្នុងកំឡុង​​ពេល ១០ ឆ្នាំ​ចុងក្រោយនេះ។ បច្ចុប្បន្ន D1 Milano កំពុងតែ​មានវត្តមាន​នៅក្នុងហាង​ចំនួន ៦០០ ហាង ហើយក៏កំពុង​ពង្រីកទីផ្សារ​របស់ខ្លួនទៅ​ប្រទេស​ចំនួន ១៥៦ ប្រទេសជុំវិញ​សកលលោក។

KLASSY WATCHES គឺជាហាងនាឡិកាឈានមុខគេ​មួយដែល​បាននាំចូល​នាឡិកា​ម៉ាកល្បីៗ លំដាប់អន្តរជាតិ​ជាច្រើន​ដូចជា Zinvo, MSTR ពីសហរដ្ឋ​អាមេរិក D1 Milano ពីប្រទេសអ៊ីតាលី Corniche ពីប្រទេសស៊ុយអែត Electricianz ពីប្រទេស​ស្វីស Rec Watches ពីប្រទេស​ដាណឺម៉ាក Vilhelm  ពីប្រទេស​សិង្ហបុរី Y24 ពីប្រទេស​ស៊ុយអែត។ល៕