.jpg)
រោងភាពយន្ត Legend Premium Cinema នៅថ្ងៃទី ១៤ ខែកុម្ភៈ ឆ្នាំ ២០២៤ បានប្រារព្ធខួបលើកទី៦ ឆ្នាំរបស់ខ្លួន ជាមួយនឹងកម្មវិធី “Special Day, Special Date" នៅ Legend Premium Cinema Exchange Square ចំថ្ងៃបុណ្យនៃក្តីស្រឡាញ់យ៉ាងរីករាយ។ កម្មវិធីនេះបាននាំមកនូវបទពិសោធន៍ទស្សនាភាពយន្តបណ្ដើរ និងញុំាអាហារបណ្ដើរដំបូងគេបង្អស់នៅកម្ពុជាដ៏អស្ទារ្យ។
កម្មវិធីបានផ្តល់បទពិសោធន៍ដល់ភ្ញៀវកិត្តិយសទាំងអស់បានរីករាយនឹងភាពយន្តជាមួយនឹងអាហារ ៣ មុខដ៏ឈ្ងុយឆ្ងាញ់ដែលមានតម្លៃត្រឹមតែ ៤៥ ដុល្លារប៉ុណ្ណោះសម្រាប់មនុស្ស ២ នាក់់។កម្មវិធីនេះពិតជាទទួលបានការចាប់អារម្មណ៍យ៉ាងខ្លាំងដោយសំបុត្រទាំងអស់ត្រូវបានលក់អស់ ដែលនេះបានបង្ហាញអំពីចំណាប់អារម្មណ៍របស់អ្នកដែលចង់បានបទពិសោធន៏ទស្សនាភាពយន្តបណ្ដើរ និងទទួលទានអាហារបណ្ដើរ។
រោងភាពយន្ត Legend Cinema តែងតែបន្តនាំយកបច្ចេកវិទ្យាចុងក្រោយបង្អស់ ដើម្បីបង្កើនបទពិសោធន៍អ្នកទស្សនាភាពយន្តឱ្យកាន់តែងាយស្រួល ដូចជាការទិញសំបុត្រតាមរយៈកម្មវិធីទូរស័ព្ទដៃ និងគេហទំព័ររបស់ Legend Cinema ជាដើម។
• អំពីរោងភាពយន្ត Legend៖
រោងភាពយន្តលេជេន គឺជារោងភាពយន្តខ្មែរដំបូងដែលឈានមុខគេ ជាមួយស្តង់ដារអន្តរជាតិទី១ ក្នុងប្រទេសកម្ពុជា ហើយជាមោទនភាពណាស់ដែលរោងភាពយន្ត លេជេន បង្កើតឡើង និងដំណើរការដោយខ្មែរ។ ពិសេសេជាមួយភាពល្បីល្បាញទៅលើពោតផ្ទុះដែលឆ្ងាញ់បំផុតនៅក្នុងទីក្រុង។ រោងភាពយន្ត Legend មានទីតាំងចំនួន ១២ ក្នុងនោះរួមមានទាំងរោងភាពយន្ត Legend Premium ចំនួន ២ និងរោងភាពយន្ត Legend Cinema ចំនួន ១០ ទីតាំង។
ចំពោះរោងកុន Legend Premium វិញគឺទទួលបានភាពល្បីល្បាញដោយសារការផ្តល់ជូនបទពិសោធន៍ទស្សនាភាពយន្ដដ៏ប្រណិតហើយបានបើកទីតាំងដំបូងនៅ Exchange Square ក្នុងឆ្នាំ ២០១៨ និងពង្រីកទៅផ្សារទំនើប Chip Mong Noro ក្នុងឆ្នាំ ២០១៩។
អ្វីដែលធ្វើឱ្យរោងភាពយន្ត Legend Premium កាន់តែពិសេសទៀតនោះ គឺការផ្តល់ជូនជាប្រភេទ Diamond ClassTicket Package។ ដោយអ្នកទស្សនាទទួលបានបទពិសោធន៍ដ៏ប្រណីតបំផុតជាមួយនឹងកញ្ចប់សំបុត្រ Diamond Class ដែលរួមមានជម្រើសអាហារ និងភេសជ្ជៈមកជាមួយនឹងតម្លៃថ្ងៃធម្មតា 2D: ១១ ដុល្លារ, 3D: ១២ ដុល្លារ។
ចំពោះថ្ងៃចុងសប្តាហ៍ ឬថ្ងៃឈប់សម្រាកវិញ រោងភាពយន្តមានផ្តល់ជូនជាមួយនឹងតម្លៃ 2D: ១៤ ដុល្លារ,3D: ១៥ ដុល្លារ។ ហើយអតិថិជនក៏អាចរីករាយនឹងការចូលទៅកាន់កន្លែងទទួលភ្ញៀវបែប Diamond Class រួមជាមួយនឹងកន្លែងអង្គុយដ៏ធំទូលាយ និងទំនើប ដែលបង្កើនបទពិសោធន៍ទស្សនាភាពយន្តកាន់តែអស្ចារ្យ។
គួរបញ្ចាក់ផងដែរថា បច្ចុប្បន្នរោងភាពយន្ត លេជេន មានសរុបចំនួន ១២ សាខារួមមាន រោងភាពយន្ត លេជេន ទួលគោក, រោងភាពយន្តលេជេន ស្ទឹងមានជ័យ, រោងភាពយន្តលេជេនព្រីមៀ អ៊ិចឆេងស្វែរ, រោងភាពយន្តលេជេន អេដិន, រោងភាពយន្តលេជេន សៀមរាប, រោងភាពយន្តលេជេនព្រីមៀ ណូរូម៉ល, រោងភាពយន្តលេជេន មីតថោន, រោងភាពយន្តលេជេន ព្រះសីហនុ, រោងភាពយន្តលេជេន ខេម៉ល, រោងភាពយន្តលេជេន សែនសុខ, រោងភាពយន្តលេជេន អូឡាំព្យា, រោងភាពយន្តលេជេន បាយ អាយស៍៕
សម្រាប់ព័ត៌មានលម្អិតអំពីរោងភាពយន្ត លេជេន
គេហទំព័រ: https://www.legend.com.kh/
លេខទូរស័ព្ទ: ០87 888 045
