ក្រុមហ៊ុនអង្គរឌែរីប្រូដាក ខូអិលធីឌី ដែលក្រុមហ៊ុនផលិតផលិតផលទឹកដោះគោម៉ាក «អង្គរមីល» ដ៏ធំបំផុតនៅព្រះរាជាណាចក្រកម្ពុជា កាលពីថ្ងៃទី ១៤ ខែកុម្ភៈ ឆ្នាំ ២០២៤ បានររៀបចំសន្និសីទសារព័ត៌មានស្តីពី «កម្មវិធីកោសឈ្នះ កោសឈ្នះ ពីទឹកដោះគោអង្គរមីល» នៅផ្សារទំនើបអ៊ីអន សែនសុខ ដោយកម្មវិធីនេះទទួលបានការអញ្ជើញចូលរួមពីថ្នាក់ដឹកនាំ បុគ្គលិកក្រុមហ៊ុន អ្នកសារព័ត៌មាន ក៏ដូចជាអ្នកឈ្នះរង្វាន់ធំដំបូងគេចំនួន 0២រូប ពីកម្មវិធីកោសឈ្នះ កោសឈ្នះ ពីទឹកដោះគោអង្គរមីល។
ដើម្បីចូលរួមកម្មវិធី កោសឈ្នះ កោសឈ្នះនេះអតថិជនទាំងអស់គ្រាន់តែធ្វើការទិញផលិតផលទឹកដោះគោអាដេអឹម ១១០ មល ឬ ១៨០ មល ឬក៏ទាំង ២ ដែលកំពុងចរាចរលើទីផ្សារហើយស្វែងរកកាតកោសដែលមានភ្ជាប់នៅលើប្រអប់ទឹកដោះគោស្រាប់ ហើយធ្វើការកោស ទៅតាមការណែនាំ ដើម្បីស្វែងរកសំណាង។
លោក កុយ សុវណ្ណ តំណាងឲ្យនាយកដ្ឋានផ្នែកលក់ និងទីផ្សារបានមានប្រសាសន៍ថា៖ «ក្រុមហ៊ុនបង្កើតកម្មវិធីកោសឈ្នះ កោសឈ្នះ ពីទឹកដោះគោអង្គរមីលនេះឡើង គឺជាការថ្លែងអំណរគុណដល់ការគាំទ្រយ៉ាងពេញទំហឹងពីអ្នកម្តាយគ្រប់រូបក៏ដូចជាអតិថិជនទូទាំងប្រទេសចំពោះផលិតផលទឹកដោះគោអាដេអឹម ១១០ មល និង ១៨០ មល។ កម្មវិធីនេះមានការផ្តល់ជូនឈ្នះនូវរង្វាន់ម៉ូតូហុងដាវេវ ស៊េរីថ្មី សរុបចំនួន ៥០ គ្រឿង និងរង្វាន់ទឹកដោះគោ អាដេអឹម រាប់ម៉ឺនកេសបន្ថែមទៀត (លក្ខ័ខណ្ឌផ្សេងៗត្រូវបានអនុវត្ត)»។
«ផលិតផលទឹកដោះគោ អាដេអឹម ១១០ មល និង ១៨០ មល ត្រូវបានផលិតនិងវិចខ្ចប់ដោយប្រអប់ក្រដាស អាស៊ិបទិក (Aseptic pack)ដែលបានផលិតនិងផ្គត់ផ្គង់ពីប្រទេសសឹង្ហបុរី។ ប្រអប់ក្រដាស អាស៊ិបទិកដែលយកមកវិចខ្ចប់ទឹកដោះគោ អាដេអឹម ១១០ មល និង ១៨០ មល ជាប្រភេទប្រអប់ក្រដាសដែលមាន ៦ ស្រទាប់ឆ្លាស់គ្នាការពារ និងវិចខ្ចប់ផលិតផលទឹកដោះគោអាដេអឹម ១១០ មល និង ១៨០ មល បានយ៉ាងល្អជាទីបំផុត»។
លោក កុយ សុវណ្ណ បានជម្រាបបន្ថែមថា ពេលអតិថិជនកោស សូមមេត្តាកោសដោយថ្នមៗការពារដាច់ខូចទ្រង់ទ្រាយដើមកាតកោស។ កាតឈ្នះរង្វាន់ត្រូវតែរក្សាទ្រង់ទ្រាយដើម ១០០% បើមិនដូច្នោះទេក្រុមហ៊ុនសូមរក្សាសិទ្ធិ នឹងមិនប្តូររង្វាន់ជូនឡើយ។ចំពោះជនណាក្លែងបន្លំកាតកោសនឹងត្រូវផ្តន្ទាទោសតាមច្បាប់។ ហើយដើម្បីជាតម្លាភាពជូនមហាជនកម្មវិធីនេះមិនត្រូវបានអនុញ្ញាតឱ្យបុគ្គលិកគ្រប់ជាន់ថ្នាក់របស់ក្រុមហ៊ុនអង្គរឌែរីប្រូដាកខូអិលធីឌី ចូលរួមនោះឡើយ។
ចំពោះអ្នកឈ្នះរង្វាន់ម៉ូតូ សូមធ្វើការទាក់ទងដោយផ្ទាល់មកកាន់ក្រុមហ៊ុន តាមរយៈទូរស័ព្ទលេខ៖ 085 689 888–0966489 888 – 024 689 8888 នៅរៀងរាល់ម៉ោងធ្វើការ។ក្រុមការងារក្រុមហ៊ុននឹងធ្វើដំណើរទៅជួបលោកអ្នកដោយផ្ទាល់។
ចំពោះអ្នកឈ្នះរង្វាន់លើកទឹកចិត្តជាផលិតផលទឹកដោះគោអាដេអឹម ១១០ មល ចំនួនមួយកេស សូមធ្វើការប្តូរនៅម៉ូយបោះដុំធំ ដែលនៅជិតលោកអ្នកបំផុត ឬទំនាក់ទំនងអ្នកលក់ដែលលោកអ្នកបានទិញពីគាត់ ឬទំនាក់ទំនងដោយផ្ទាល់មកក្រុមហ៊ុន តាមរយៈលេខទូរស័ព្ទខាងលើនៅរៀងរាល់ម៉ោងធ្វើការ។ ក្រុមហ៊ុនក៏បានធ្វើកិច្ចសន្យាជាមួយអ្នកលក់បន្តជាទីតាំងប្តូររង្វាន់ចំនួន ១,០០០ កន្លែងរួចហើយនៅទូទាំងប្រទេស ដើម្បីសម្រួលដល់ការងារនេះ។
នៅក្នុងពិធីដ៏រីករាយនោះ អ្នកមានសំណាងឈ្នះរង្វាន់ធំគឺម៉ូតូចំនួន ០២ គ្រឿងដំបូងគេ គឺអ្នកស្រីនន ស្រីនាង រស់នៅក្នុងខេត្តកំពង់ស្ពឺ និងអ្នកឈ្នះម្នាក់ទៀតលោក លឹម សុខសិទ្ធ រស់នៅក្នុងខណ្ឌដូនពេញ រាជធានីភ្នំពេញ បានបង្ហាញភាពរីករាយនិងថ្លែងអំណរគុណក្រុមហ៊ុនយ៉ាងខ្លាំងដែលពួកគាត់បានឈ្នះរង្វាន់ធំនេះ ពីព្រោះក្រៅពីផ្តល់នូវសុខភាពល្អហើយ ថែមទាំងផ្តល់ឱកាសឱ្យពួកគាត់ឈ្នះរង្វាន់ថែមទៀតផង។
សូមបញ្ជាក់ថារោងចក្រ អង្គរ ឌែរី ប្រូដាក ផលិតនូវផលិតផលជាច្រើនប្រភេទដូចជា៖ទឹកដោះគោ (UHT) ចំនួន ៥៤លានលីត្រ ក្នុងមួយឆ្នាំ, ផលិតយ៉ាអ៊ួរ ចំនួន ២២ លានកែវ ក្នុងមួយឆ្នាំ,ទឹកដោះគោស្រស់ ១០០% រសជាតិសាប និងរសជាតិផ្អែម ចំណុះ ១ លីត្រ, ទឹកដោះគោជូរ (ប្រភេទប្រូបាយអូទិច) ម៉ាកប្រូប៊ី និងផលិតទឹកដោះគោខាប់ ចំនួន ៦៥ លានកំប៉ុង ក្នុងមួយឆ្នាំ។
លើសពីនេះរោងចក្រផលិតទឹកដោះគោ «អង្គរមីល» ដែលមានទីតាំងស្ថិតនៅតំបន់សេដ្ឋកិច្ចពិសេសរ៉ូយ៉ាល់គ្រុបភ្នំពេញ កំពុងផ្តល់ការងារជូនកម្មករនិយោជិតចំនួន ៦១៣ នាក់ និងបានចូលរួមចំណែកបង់ពន្ធចូលថវិកាជាតិចន្លោះពី ៨-១១ លានដុល្លារសហរដ្ឋអាមេរិកក្នុងមួយឆ្នាំៗ។ ក្រុមហ៊ុនបន្តវិនិយោគឥតឈប់ឈរទៅលើសង្វាក់ផលិតកម្មរបស់ខ្លួន ជាមួយនិងបចេ្ចកវិទ្យាស្វ័យប្រវត្តិចុងក្រោយរបស់ពិភពលោកមកបំពាក់ផលិតលើចង្វាក់ផលិតកម្មរបស់ខ្លួន ដើម្បីធានាថាផលិតផលរបស់ខ្លួនទាំងអស់មានគុណភាព និងសុវត្ថិភាពខ្ពស់សម្រាប់អតិថិជនគ្រប់រូប។
អង្គរមីលមានមោទនភាពដែលបានផលិតនៅប្រទេសកម្ពុជា!!!
អង្គរមីលល្អសម្រាប់សុខភាពអ្នក!!!!
