សណ្ឋាគារ Novotel គឺជាក្រុមហ៊ុន​បដិសណ្ឋារកិច្ច​ដ៏ល្បីល្បាញមួយ ក្នុងចំណោម​បណ្តាញ Accor ជាប្រតិបត្តិករ​សណ្ឋាគារ​ឈានមុខគេ  នឹងដាក់ដំណើរការ​នូវរមណីយដ្ឋាន​សម្រាក​កម្សាន្ដ Novotel Sihanoukville Holiday Resort នៅថ្ងៃ​ទី៩ ខែកុម្ភៈ ឆ្នាំ២០២៤ ខាងមុខ។ 

រមណីយដ្ឋាននេះ​មានទីតាំង​នៅលើ​ឆ្នេរឯករាជ្យ រួមមានបន្ទប់​ចំនួន ២១៥ ប្រកបដោយ​ទេសភាពដ៏​អស្ចារ្យនៅ​លើឈូង​សមុទ្រថៃ មានជម្រើស​អាហារដ្ឋាន​ចំនួន ៤ កន្លែង  ក៏ដូចជាបរិក្ខារ​ដ៏ស័ក្តិសម​សម្រាប់​ក្រុមគ្រួសារ​ផងដែរ។ ជាមួយនឹង​ការធ្វើដំណើរ​ដ៏ងាយស្រួល​ពីរាជធានី​ភ្នំពេញ សណ្ឋាគារនេះ ប្រៀបបានដូចជា​ឆ្នេរសួគ៌ា ដែលជំរុញចិត្ត​អ្នកធ្វើដំណើរ និងអ្នកស្រុក​ឱ្យមក​ចំណាយពេល សម្រាក និង​សាកថ្ម​ជិវិត​ឡើងវិញ។

លោក Garth Simmons ប្រធានផ្នែក​ប្រតិបត្តិការ​នៃផ្នែក​សេដ្ឋកិច្ច​ជាន់ខ្ពស់​និងមធ្យម របស់​បណ្តាញ​ក្រុមហ៊ុន Accor បានមានប្រសាសន៍​ថា ៖«ការសម្ពោធ​សណ្ឋាគារ Novotel Sihanoukville Holiday Resort ដែលជា​អចលនទ្រព្យ​របស់​ក្រុមហ៊ុន Novotel ដំបូងគេ​ក្នុងប្រទេស​កម្ពុជា គឺជាការចាប់ផ្តើម​នៃ​ដំណើរ​ដ៏គួរឱ្យ​រំភើប សម្រាប់​យើងក្នុង​ឆ្នាំ ២០២៤។ សមិទ្ធ ផលមួយនេះ គឺជាព្រឹត្តិការណ៍​ដ៏សំខាន់មួយ​នៅក្នុងការ ប្តេជ្ញាចិត្ត​យ៉ាងជាប់លាប់​របស់​ក្រុមហ៊ុន Accor ក្នុងការផ្តល់នូវ​បទពិសោធន៍​បដិសណ្ឋារកិច្ច​ចម្រុះ និងសម្បូរបែប​នៅក្នុងតំបន់​អាស៊ី»។ 

លោកបន្ថែម​ថា៖ «សណ្ឋាគារ Novotel ក៏បានផ្តល់​នូវការផ្សំ​បញ្ចូលគ្នា​ដ៏ល្អឥតខ្ចោះ​ជាមួយ នឹងការរចនា បែប​សហសម័យ ទីធ្លាធំ​ទូលាយ និងបរិក្ខារ​ប្រកបដោយ​ផាសុកភាព។ ការផ្សំ​បញ្ចូលគ្នា​នេះធ្វើឱ្យ Novotel Sihanoukville Holiday Resort ក្លាយជា​ជម្រើស​ដ៏គួរ​ឱ្យទាក់ទាញ​សម្រាប់​អ្នកធ្វើដំណើរ ដែលកំពុង​ស្វះស្វែងរក ឱកាស​ដើម្បី​ភ្ជាប់​ទំនាក់ទំនង ជាមួយមនុស្ស​ជាទីស្រលាញ់​របស់​ពួកគេ និងខ្លួនឯង ឬសម្រាក​លំហែកាយ នៅក្នុង​ទីក្រុង​មាត់សមុទ្រ ដ៏ល្បីល្បាញ​បំផុត​របស់​ប្រទេស​កម្ពុជា គឺ​ខេត្ត​ព្រះសីហនុ»។

នាយកគ្រប់គ្រង​ទូទៅ​នៃសណ្ឋាគារ Novotel Sihanoukville Holiday Resort លោក Ayub Yulianto បានថ្លែង​ថា ៖«ខ្ញុំពិតជា​រំភើប​ណាស់ ដែលបាន​ស្វាគមន៍​ភ្ញៀវ​ទេសចរ​ឱ្យមក​ទទួល​យក​បទពិសោធន៍​នៅតំបន់​ថ្មីមួយ នៃក្រុង​ព្រះសីហនុ។ បដិសណ្ឋារកិច្ច​ដ៏កក់ក្តៅ​របស់​កម្ពុជា ភោជនីយដ្ឋាន​ចម្រុះ និងបារ៍​ជាច្រើន​ដ៏រស់រវើក គ្រឿងបរិក្ខារ សមស្រប​សម្រាប់​គ្រួសារដ៏ល្អ និងការរចនា​បែបទំនើប​របស់ Novotel Sihanoukville Holiday Resort ពិតជា​បន្ថែម​នូវភាព​ពិសេស​ប្លែកពីគេ នៅក្នុងទីក្រុង​មួយនេះ។  ចំណុចនេះ​ធ្វើ​ឱ្យ​សណ្ឋាគារនេះ ក្លាយ​ជា​គោលដៅ​ដ៏​ល្អ​ឥត​ខ្ចោះ ​សម្រាប់អ្នក​ទេសចរ និង​អ្នក​ស្រុក​ដើម្បី​សម្រាក​លំហែ​នៅ​តាម​ឆ្នេរ»។

សូមបញ្ជាក់​ថា បន្ទប់ទទួល​ភ្ញៀវនីមួយៗ​ត្រូវបាន​រចនា​ឡើងតាមរចនាបថ​សហសម័យ ដោយរំលេច​ឡើងនូវ​ការបំផុស​គំនិតពី ស្នាដៃ របស់សិប្បករ​ក្នុងស្រុក និងសម្រស់​ធម្មជាតិ​ជុំវិញ។ សណ្ឋាគារ​មួយនេះ ក៏ផ្តល់​ជូននូវរចនា​សម្ព័ន្ធ​បន្ទប់ចំនួន ៨ ចាប់ពីបន្ទប់​ស្តង់ដារ​ដែលមាន​ផាសុកភាព ៣២ ម៉ែត្រការ៉េ ដល់ ៩៦ ម៉ែត្រការ៉េ។ បន្ទប់ឈុត​ទាំងនេះ ក៏មានភ្ជាប់​ជាមួយនឹង​អាងងូតទឹក និងរាន​ហាលរាប​ស្មើជុំវិញ ដែលផ្តល់​ឱ្យភ្ញៀវ​នូវឱកាស រីករាយនឹង ទិដ្ឋភាព​ថ្ងៃលិច ក្នុងបន្ទប់​ដ៏ធំទូលាយ។ ដើម្បី​សម្រួលដល់​វិស្សមកាល​ជាលក្ខណៈ​គ្រួសារ និងជាក្រុម បន្ទប់ដែល​តភ្ជាប់គ្នា​ក៏មាន ផ្តល់ជូន​ផងដែរ។ លើសពីនេះ​ក៏មានសាល​កម្មវិធី Independence Ballroom មានទំហំ ៣១៥ ម៉ែត្រការ៉េ ដែលផ្តល់​នូវទីតាំង​ពហុមុខងារ​សម្រាប់​កិច្ចប្រជុំ កម្មវិធី​ជួបជុំ និងការទទួលទាន​អាហារ​ជាដើម។

សម្រាប់​ព័ត៌មានបន្ថែម សូមចូលទៅ​កាន់គេហទំព័រ៖ https://all.accor.com/hotel/A611/index.en.shtml។ ឬធ្វើការ​កក់ទុក សូមផ្ញើ​អ៊ីម៉ែលទៅកាន់ HA611@accor.com ឬទំនាក់ទំនង​តាមរយៈ​លេខទូរស័ព្ទ +855 (0) 81 982 999៕