កាលពីថ្ងៃព្រហស្បតិ៍ ទី ១៧ ខែមករា ក្រុមហ៊ុនអាកាសចរណ៍ Air Asia បានរៀបចំព្រឹត្តិការណ៍ជួបជុំប្រព័ន្ធផ្សព្វផ្សាយដ៏ពិសេសមួយដើម្បីថ្លែងអំណរគុណដល់ក្រុមអ្នកសារព័ត៌មានកម្ពុជាចំពោះការគាំទ្រឥតឈប់ឈររបស់ពួកគេ។ ព្រឹត្តិការណ៍នោះត្រូវបានប្រារព្ធធ្វើឡើងដើម្បីថ្លែងអំណរគុណយ៉ាងជ្រាលជ្រៅចំពោះមិត្តភកិ្តជាអ្នកសារព័ត៌មានក៏ដូចជាដើម្បីកសាងទំនាក់ទំនងឲ្យកាន់តែស៊ីជម្រៅបន្ថែមទៀត ជាមួយប្រព័ន្ធផ្សព្វផ្សាយនៅកម្ពុជា។
ព្រឹត្តិការណ៍នោះត្រូវបានប្រារព្ធឡើងនៅឯភោជនីយដ្ឋានទន្លេបាសាក់ I នឹងទទួលបានការចូលរួមយ៉ាងច្រើនកុះករ ជាពិសេសក៏មានការបង្ហាញផលិតផល និងសេវាកម្មរបស់ក្រុមហ៊ុន Air Asia ពេញមួយឆ្នាំ ២០១៨ ផងដែរ។ ក្រុមហ៊ុនអាកាសចរណ៍ Air Asia បានឈ្នះជយលាភីជាក្រុមហ៊ុនអាកាសចរណ៍តម្លៃថោកល្អបំផុតក្នុងពិភពលោករយៈពេល ១០ ឆ្នាំមកហើយ នឹងបានបន្តធ្វើការហោះហើរមកកម្ពុជាដោយភ្ជាប់ព្រះរាជាណាចក្រកម្ពុជាទៅនឹងគោលដៅចំនួន ១៣០ ផ្សេងទៀតនៅទូទាំងតំបន់អាស៊ី។ សមាជិកនៃប្រព័ន្ធផ្សព្វផ្សាយត្រូវបានទទួលស្វាគមន៍យ៉ាងកក់ក្តៅនៅក្នុងពិធីទទួលទានអាហារពេលល្ងាចដែលរៀបចំដោយក្រុមហ៊ុន AirAsia នោះ៕