.jpg)
សភាពាណិជ្ជកម្មអាមេរិក (AmCham) នៅកម្ពុជាបានរៀបចំកិច្ចប្រជុំប្រចាំឆ្នាំ ២០១៩ (AGM) ជាកិច្ចប្រជុំដែលសមាជិកក្រុមប្រឹក្សាភិបាលថ្មីត្រូវបានបោះឆ្នោតជ្រើសរើសកាលពីថ្ងៃអង្គារកន្លងទៅនៅសណ្ឋាគារឈានមុខមួយ។ លទ្ធផលនៃការបោះឆ្នោតជ្រើសរើសសមាជិកក្រុមប្រឹក្សាភិបាលថ្មីនេះ ត្រូវបានប្រកាសនៅក្នុងពិធីទទួលទានអាហារពេលល្ងាចដែលមានការចូលរួមពីសមាជិករបស់ AmCham និងប្រព័ន្ធផ្សព្វផ្សាយ។ សមាជិកក្រុមប្រឹក្សាភិបាលចំនួន ៤ នាក់ដែលផុតអាណត្តិត្រូវបានប្រគល់ជូនវត្ថុអនុស្សាវរីយ៍ ដើម្បីជាការទទួលស្គាល់ចំពោះការចូលរួមចំណែករបស់ពួកគេ។ ឯកអគ្គរដ្ឋទូតសហរដ្ឋអាមេរិកប្រចាំកម្ពុជា លោក Patrick Murphy គឺជាភ្ញៀវកិត្តិយស។ បច្ចុប្បន្ន AmCham មានសមាជិកប្រមាណ ១២០ រូប៕ រូបថតសហការី
