.jpg)
កាលពីថ្ងៃទី ៤ ខែកក្កដា ឆ្នាំ ២០១៩ ប្រធាន ANP លោក Goh Yew Soong និងលោក Johnny Tan ជំនួយការហេរញ្ញិករបស់ ANP បានអញ្ជើញអ្នកសារព័ត៌មាន ដើម្បីពិសាអាហារពេលល្ងាចក្នុងរាជធានីភ្នំពេញ។ គោលបំណងរបស់ ANP គឺបង្កើតបណ្តាញអ្នកសារព័ត៌មានវិជ្ជាជីវៈ និងអ្នកផ្គត់ផ្គង់ ដើម្បីទទួលបាននូវជំនាញ និងចំណេះដឹងបច្ចេកទេស ការចែករំលែកគំនិត ផ្លាស់ប្តូរបទពិសោធលើការដោះស្រាយបញ្ហា និងការទទួលបានព័ត៌មានថ្មីៗស្តីពីការរីកចម្រើនបច្ចេកវិទ្យា និងការច្នៃប្រឌិតក្នុងការផលិត បោះពុម្ពកាសែតក្នុងខណៈពេលលើកកម្ពស់ការអភិវឌ្ឍរួមគ្នារបស់អាស៊ានលើវិស័យបច្ចេកវិទ្យា សិល្បៈ សេដ្ឋកិច្ច និងវប្បធម៌។ ANP គឺជាអង្គការមិនរកប្រាក់ចំណេញមួយដែលត្រូវបានបង្កើតឡើងនៅថ្ងៃទី ២៨ ខែមេសា ឆ្នាំ ២០១០ នៅសិង្ហបុរី (ACRA) ដើម្បីលើកកម្ពស់ និងបង្កើនកម្រិតចំណេះដឹង និងជំនាញរបស់អ្នកសារព័ត៌មានវិជ្ជាជីវៈនៅអាស៊ីអាគ្នេយ៍។ មានក្រុមហ៊ុនបោះពុម្ពផ្សាយច្រើនជាង ២៥ មកពីបណ្តាប្រទេសអាស៊ីអាគ្នេយ៍បានចូលរួមជាសមាជិករបស់ ANP៕ រូបថតសហការី
