កាលពីថ្ងៃទី៣០ខែឧសភាកន្លងទៅនេះមានកម្មវិធីពិព័រណ៍ម៉ូតូធំខ្នាតអន្តរជាតិដែលមានអ្នកជិះម៉ូតូធំជាច្រើនមកពីបណ្តាប្រទេសជាសមាជិកអាស៊ានដែលមានដូចជា ថៃ ម៉ាឡេស៊ី ឡាវ ភូមា វៀតណាម និងបណ្តាប្រទេសជាច្រើនទៀតមករៀបចំកម្មវិធីពិព័រណ៍ម៉ូតូធំអន្តរជាតិ លើកទីមួយនៅខេត្តព្រះសីហនុដែលរៀបចំឡើងដោយក្រុមហ៊ុន KAE និង APLUS និងទទួលការឧបត្ថម្ភពីក្រុមហ៊ុនស្រាបៀរ Singha ប្រេងរំអិល Top Oneនៅឆ្នេរ Queenco Casino&Resort ដែលមានការដាក់បង្ហាញម៉ូតូធំលក្ខណៈអន្តរជាតិនិងការដាក់តាំងលក់ផលិតផលជាច្រើននិងមានការប្រគំតន្ត្រីច្រៀងផ្ទាល់ដោយកញ្ញា មាស សុខសោភា ក្រុមចម្រៀងPsenជាដើម។
ថ្ងៃបន្ទាប់ទី៣១គឺក្រុមម៉ូតូធំទាំងអស់នាំគ្នាជិះម៉ូតូពីក្រុងព្រះសីហនុឆ្ពោះឡើងទៅភ្នំបូកគោដើម្បីថតរូបកម្សាន្តទាំងអស់គ្នាជាលក្ខណៈមិត្តភាពសមាជិកអាស៊ាននិងមានការញ៉ាំអាហារថ្ងៃត្រង់រួមគ្នានៅResort Natayaរួចជិះត្រឡប់មកក្រុងព្រះសីហនុវិញដើម្បីជួបជុំគ្នាជាលើកចុងក្រោយដោយមានការប្រគំតន្ត្រីរាំបែបស៊ិចស៊ី លេងភ្លើងនិងការលែងល្បែងកម្សាន្តជាច្រើនទៀត។