កាលពីរសៀលថ្ងៃទី ៤ ខែឧសភា ឆ្នាំ ២០១៩ វិទ្យាស្ថានខេមអេដប៊ីហ្សនេសស្គូល បានរៀបចំពិធីចែកសញ្ញាបត្រជូនដល់និស្សិតដែលបានប្រឡងបញ្ចប់ការសិក្សាលើកម្មវិធី ACCA/CAT ថ្នាក់បរិញ្ញាបត្រ និងនិស្សិតឆ្នើមសម្រាប់ឆ្នាំសិក្សា ២០១៨ ដោយមានការអញ្ជើញចូលរួមពីសំណាក់លោកនាយកវិទ្យាស្ថានខេមអេដប៊ីហ្សនេសស្គូល ស្ថាប័ន ACCA កម្ពុជា សាស្ត្រាចារ្យ និយោជក និស្សិតនិងមាតាបិតា អាណាព្យាបាល ប្រមាណជិត ២០០០ នាក់។
វិទ្យាស្ថានខេមអេដប៊ីហ្សនេសស្គូល បានខិតខំយ៉ាងខ្លាំងដើម្បីបង្កើតកាលានុវត្តភាពដល់សាធារណជនទូទៅ ដែលសិក្សានៅវិទ្យាស្ថាននេះដោយយកគុណភាពជាចម្បង ជាពិសេសចំពោះគុណភាពគ្រូបង្រៀន និងកម្មវិធីសិក្សាដើម្បីឲ្យស្របទៅនឹងមាត្រដ្ឋានជាតិ និងអន្តរជាតិ។ ជាលទ្ធផល វិទ្យាស្ថាន ខេមអេដប៊ីហ្សនេសស្គូល ត្រូវបានទទួលស្គាល់ពីសាធារណជន ទាំងក្នុង និងក្រៅប្រទេសតួយ៉ាងដូចជា សមាគមគណនេយ្យករជំនាញ ACCA របស់ចក្រភពអង់គ្លេសជាដើម៕រូបថត សហការី