ភោជនីយដ្ឋានបែបអ៊ីរ៉ង់ដែលមានឈ្មោះថា កាវីយ៉ា(Kaviar Restaurant) ត្រូវបានសម្ពោធជាផ្លូវការកាលពីថ្ងៃទី១២ ខែធ្នូកន្លងទៅនេះ ស្ថិតតាមបណ្តោយផ្លូវ៥៥កែងផ្លូវ២៤២ ខណ្ឌដូនពេញ។ ភោជនីយដ្ឋានស្តង់ដារអន្តរជាតិបែបអ៊ីរ៉ង់ដែលមានម្ហូបជាលក្ខណៈបែបពែរ្ស (Persian Cuisine)នេះគឺទើបតែមានវត្តមានក្នុងប្រទេសកម្ពុជា ជាលើកដំបូងគេបង្អស់ដែលមានបម្រើនូវម្ហូបបែបអ៊ីរ៉ង់ពិតៗហើយក៏មានបម្រើជូននូវម្ហូបខ្មែរ និងបារាំងផងដែរ។ ក្នុងថ្ងៃសម្ពោធនេះ មានការចូលរួមពីភ្ញៀវពិសេសៗជាច្រើនរីករាយថតរូបជាមួយតារាម៉ូដែល ដែលស្លៀកពាក់ជាលក្ខណៈបែបជនជាតិអ៊ីរ៉ង់។ អ្នកស្រី សេង វណ្ណថា នាយិកាគ្រប់គ្រង និងម្ចាស់ភោជនីយដ្ឋានកាវីយ៉ាបានមានប្រសាសន៍ថា ការបើកហាងនេះឡើងគឺដើម្បីឲ្យប្រជាជនខ្មែរក៏ដូចជាជនជាតិបរទេសបានភ្លក្ស និងស្គាល់រសជាតិអាហារបែបអ៊ីរ៉ង់ដែលពុំធ្លាប់មាននៅក្នុងស្រុកខ្មែរ៕ រូបថត ម៉ៃ វីរៈ