កាលពី​ថ្ងៃទី​២៧​ ខែ​មេសា​ កន្លង​ទៅ​នេះ​ក្រុមហ៊ុន​ Huawei និង Smart ឧបត្ថម្ភ សិក្ខាសាលា​ស្តី​អំពី ហ្វ្រេកង់​៧០០​មេហ្គាហឺត​សម្រាប់​បណ្តាញ LTE សហការ​ជាមួយ​នឹង​ក្រសួង​ប្រៃសណីយ៍​និង​ទូរគមនាគមន៍។​សិក្ខា​សាលា​នេះ មាន​ការ​ចូលរួម​ពី​លោក ប្រាក់ សុខុន រដ្ឋ​មន្ត្រី​ក្រសួង​ប្រៃសណីយ៍ និង​ទូរគមនាគមន៍ លោក Francois Rancy ប្រធាន​ផ្នែក​រលក​វិទ្យុ​នៃ​សហភាព​ទូរគមនាគមន៍​អន្តរជាតិ លោក Shawn Yu ប្រធាន​នាយក​ដ្ឋាន​ផែនការ​អភិវឌ្ឍ​រលក​វិទ្យុ និង ហ្វ្រេកង់​របស់​ក្រុមហ៊ុន Huawei និង​លោក Thomas Hundt អគ្គនាយក​ប្រតិបត្តិការ​ក្រុមហ៊ុន Smart Axiata ប្រចាំ​នៅ​កម្ពុជា​។ ក្នុង​សិក្ខា​សាលា​ដែល​រៀបចំ​ដោយ​ក្រសួង​ប្រៃសណីយ៍​និង​ទូរគមនាគមន៍ និង​ឧបត្ថម្ភ​ដោយ​ក្រុមហ៊ុន Huawei នា​ពេល​នេះ ក្រុមហ៊ុន​ក៏បាន​ដាក់​តាំង​បង្ហាញ និង​អញ្ជើញ​ភ្ញៀវ​កិត្តិយស​ដែល​បាន​ចូលរួម​ទាំងអស់ តេស្ត​ស្មាតហ្វូន​ស៊េរី​ថ្មីៗ​ទំនើបៗ ដូច​ជា HUAWEI Mate 7 (Silver/Gold), Honor 6 plus, Honor 6, Huawei G7, Huawei 4x, Huawei Y550, Huawei Holly, Huawei Y625៕ រូបថត សហការី