ក្រុមហ៊ុន អ អិម អេ ខេមបូឌា (RMA Cambodia) ដែលជាក្រុមហ៊ុននាំចូលផ្តាច់មុខរថយន្ត Jaguar Land Rover បានតែងតាំងលោក សុខ សុន្ទរ៉ា ជានាយកគ្រប់គ្រងថ្មីនៃក្រុមហ៊ុន Jaguar Land Rover Cambodia កាលពីថ្ងៃទី ៨ ខែកញ្ញា កន្លងទៅ។ នៅក្នុងពិធីនោះក៏មានការសម្ពោធជាផ្លូវការនូវរថយន្ត Off-road ស៊េរីទំនើបចុងក្រោយបំផុតគឺរថយន្ត Land Rover Defender 2020 ហើយក្នុងនោះក៏មានគម្រោងសម្ពោធជាផ្លូវការនូវរថយន្ត Jaguar I-PACE 2020 ក្នុងពេលឆាប់ៗផងដែរ។ លោក ងន សាំង បានលើកឡើងថា៖ «រាល់រថយន្ដទាំងអស់គឺនាំចូលដោយផ្ទាល់ពីរោងចក្រ និងផលិតទ្បើងសម្រាប់ប្រើប្រាស់ក្នុងតំបន់អាស៊ី មិនត្រឹមតែប៉ុណ្ណោះក៏មានត្រួតពិនិត្យ និងជួសជុលយ៉ាងច្បាស់លាស់មុននឹងធ្វើការដាក់លក់ដោយមានការធានាលក្ខណៈយូរអង្វែងរហូតដល់ ៥ ឆ្នាំពីជាងដែលមានជំនាញច្បាស់លាស់ និងទទួលបានការបណ្តុះបណ្តាលពីរោងចក្រផ្ទាល់»៕ រូបថត ហ៊ាន រង្សី