កាលពី​ថ្ងៃទី​១៨ ​ខែមករា​ កន្លង​ទៅ​នេះ ​Kia Motors corporation​ បាន​ដាក់​តាំង​បង្ហាញ​ជា​ផ្លូវ​ការ​នូវ​រថយន្ត​ម៉ាក Kia Grand Carnival (១១​កៅអី​) និង​ម៉ាក Sorento (៧​កៅអី​) ឆ្នាំ​២០១៥ រថយន្ត​នេះ​មាន​គុណភាព​ខ្ពស់ ស៊ីវិល័យ និង​ទំនើប​ ហើយ​ត្រូវ​បាន​ទទួល​ការ​គាំទ្រ​ច្រើន​ជាង​គេ​ជាប់​លំដាប់​ថ្នាក់​លេខ​៣​នៅក្នុង​សហរដ្ឋ​អាមេរិក​។​ ​កម្មវិធី​នេះដែរ​មាន​ការ​ចូលរួម​ពី​អតិថិជន​ដែល​គាំទ្រ​រថយន្ត​ម៉ាក​ Kia ​ជាច្រើន​រូប និង​រីករាយ​ទស្សនាការ​បង្ហាញ​រថយន្ត​ស៊េរី​ថ្មី​របស់​Kia​។​ ក្នុងការ​សម្ពោធ​នេះ​ដែរ​មាន​ការ​សម្តែង​វ៉ៃ​ស្គរ​ដោយ​នារី​ស្រស់​ស្អាត​បី​រូប បន្ទាប់​មក​មាន​ការ​បង្ហាញ​រថយន្ត​ស៊េរី​ថ្មី​គឺ​Kia Grand Carnival (១១​កៅអី) និង​ម៉ាក Sorento(៧​កៅអី) ឆ្នាំ​២០១៥​ដោយ​តារា​បង្ហាញ​ម៉ូដ​ស្រស់​ស្អាត​ជាតិ​និង​អន្តរជាតិ​ផងដែរ​។​ ភ្ញៀវ​ទាំង​អស់​រីករាយ​ថត​រូបភាព​ជាមួយនឹង​រថយន្ត​ទំនើប​ស៊េរី​ថ្មី​ទាំង​ពីរ​ម៉ូដែល​៕ រូប​ថត ឈឹម ស្រីនាង