កាលពីសប្តាហ៍មុននេះក្រុមហ៊ុន Hiya Mobile Cambodia បានរៀបចំកម្មវិធីសម្ពោធនូវម៉ាកទូរស័ព្ទរបស់ខ្លួនជាផ្លូវការដែលបានចរាចរលើទីផ្សារប្រទេសកម្ពុជាតាំងពីឆ្នាំ២០១២មកមេ្ល៉ះ។ ទូរស័ព្ទ Hiya គឺជាទូរស័ព្ទដែលផលិតនៅហុងកុងជាមួយនឹងតម្លៃថោកសមរម្យចាប់ពី១៨ ដុល្លារដល់១២០ដុល្លារ។ ក្នុងកម្មវិធីនេះដែរ មានការដាក់បង្ហាញនូវទូរស័ព្ទស៊េរីថ្មីរបស់ខ្លួនម៉ាក Hiya Xone ដែលមានពណ៌ស្រស់ស្អាតជាច្រើនក្នុងតម្លៃតែ១២០ដុល្លារ ជាមួយនឹងប័ណ្ណធានាមួយឆ្នាំ។ ភ្ញៀវទាំងអស់ដែលចូលរួមក្នុងកម្មវិធីនេះមានឱកាសឈ្នះរង្វាន់ទូរស័ព្ទដៃ ស្មាតហ្វូន Hiya Xone ត្រឡប់ទៅផ្ទះវិញផងដែរ៕ រូបថត ឈឹម ស្រីនាង