កាលពីថ្ងៃទី៣០ខែតុលាកន្លងទៅនេះ ក្រុមហ៊ុនHuaweiដែលជាក្រុមហ៊ុនដំណោះស្រាយផ្នែកព័ត៌មានវិទ្យានិងបច្ចេកទេសទូរគមនាគមន៍(ICT)និងជាក្រុមហ៊ុនទូរស័ព្ទស្មាតហ្វូនដ៏ធំលំដាប់លេខ៣លើពិភពលោកបានដាក់បង្ហាញទូរស័ព្ទស្មាតហ្វូនថ្មីបំផុតរបស់ខ្លួនគឺម៉ាកHuawei Ascend Mate7នៅសណ្ឋាគារ W Hotel ក្នុងទីក្រុងបាងកកប្រទេសថៃ។ កម្មវិធីនេះមានការចូលរួមពីតំណាងប្រព័ន្ធផ្សព្វផ្សាយ ពាណិជ្ជករ និងបណ្តាញចែកចាយនានា ប្រមាណជា៣០០នាក់មកពីប្រទេសកម្ពុជា ឡាវ វៀតណាម ថៃ ហុងកុង តៃវ៉ាន់ បង់ក្លាដែស ឥណ្ឌានិងមីយ៉ាន់ម៉ា ហើយក្នុងនោះក៏មានវត្តមានពីអ្នកសារព័ត៌មានពីប្រទេសកម្ពុជាចំនួន៤នាក់ ដេប៉ូចែកចាយផ្តាច់មុខ SYAM International Group និងអ្នកចែកចាយធំៗដូចជាសៀន លីននិងនីការផងដែរ។ កម្មវិធីសម្ពោធទូរស័ព្ទស៊េរីថ្មីទំនើបHuawei Ascend Mate7នេះមានការចូលរួមសម្តែងពីតារាថៃល្បីៗដូចជាTata Young, Yaya Ying និងAlex Teeradetch រួមទាំងមានការរាំសសរផងដែរ ហើយភ្ញៀវនិងអ្នកកាសែតដែលចូលរួមគឺមានឱកាសឈ្នះរង្វាន់ Ascend Mate7៕ រូបថត ឈឹម ស្រីនាង