.jpg)
កាលពីថ្ងៃទី២៩ ខែមេសា កន្លងទៅនេះ ក្រុមហ៊ុន មេនូឡាយហ្វ៍ បានប្រារព្ធពិធីប្រកាសលក់ជាផ្លូវការនូវផលិតផលថ្មីដែលមានឈ្មោះថា គម្រោងធានារ៉ាប់រងអាយុជីវិតជាក្រុមជាមួយ Manulife។ ផលិតផលធានារ៉ាប់រងអាយុជីវិតថ្មីនេះនឹងផ្តល់ការការពារដល់និយោជិករបស់ក្រុមហ៊ុន និងក្រុមគ្រួសាររបស់ពួកគេ។ គម្រោងធានារ៉ាប់រងអាយុជីវិតជាក្រុមជាមួយ Manulife ផ្តល់អត្ថប្រយោជន៍ជូនដល់គ្រួសាររបស់និយោជិតណាម្នាក់ក្នុងករណីនិយោជិតនោះជួបប្រទះនូវឧបទ្ទវហេតុអាក្រក់ដោយចៃដន្យតួយ៉ាងដូចជាមរណភាព ឬពិការភាពទាំងស្រុងដោយសារជំងឺ និងគ្រោះថ្នាក់។ សម្រាប់ផលិតផលធានារ៉ាប់រងនេះ និយោជិតមានសិទ្ធិជ្រើសរើសសមាជិកក្នុងគ្រួសាររបស់ខ្លួនដើម្បីក្លាយជាអ្នកទទួលផលពីការធានារ៉ាប់រងអាយុជីវិត៕ រូបថត ស៊ូ វុទ្ធី
