.jpg)
ក្រុមហ៊ុនថ្មីមួយឈ្មោះ នូទ្រីឡាយហ្វ៍ ខេបភីថល ភីអិលស៊ី បានបើកសម្ភោធជាផ្លូវការនៅសណ្ឋាគារសូហ្វីតែលភ្នំពេញកាលពីថ្ងៃទី ២ ខែកុម្ភៈ ឆ្នាំ ២០២០ ក្រោមវត្តមានភ្ញៀវកិត្តិយសជាច្រើនរូប។
Nutrilife Capital PLC គឺជាក្រុមហ៊ុនថ្មីដែលជាការបណ្តាក់ទុនរួមគ្នារវាងក្រុមហ៊ុន នូទ្រីលេត ម៉ាស្ទ័រ អិលអិមខូអិលធីឌី និងក្រុមហ៊ុន ហ្វាលីន (Farlin) ដែលសុទ្ធតែជាក្រុមហ៊ុនឈានមុខគេក្នុងទីផ្សារនាំចូល និងចែកចាយផលិតផលទារក កុមារ និងក្រុមគ្រួសារ។
មកទល់បច្ចុប្បន្ននេះក្រុមហ៊ុនទាំងពីរបានកាន់កាប់ទីផ្សារមួយផ្នែកធំក្នុងវិស័យអាហាររូបត្ថម្ភ និងផលិតផលប្រើប្រាស់សំរាប់ទារក និងកុមារនៅក្នុងទូទាំងប្រទេសកម្ពុជា។ ក្រុមហ៊ុនទាំងពីរបានទទួលជោគជ័យ និងបានពង្រីកវិសាលភាពក្នុងការផ្គត់ផ្គង់ទៅកាន់អតិថិជនដែលមានកំណើនជារៀងរាល់ឆ្នាំនៅទូទាំង ២៥ ខេត្តក្រុង។
នូទ្រីឡាយហ្វ៍ មានផលិតផលជាច្រើនដែលមានទាំងផលិតផលម្សៅទឹកដោះគោសម្រាប់អ្នកម្តាយ នូទ្រីម៉ាម ផលិតផលម្សៅទឹកដោះគោសម្រាប់ទារក និងកុមារ នូទ្រីលេត, ដបទឹកដោះគោ Farlin, ក្រដាសសើម, រទេះរុញ, ទឹកបរិសុទ្ធ និងផលិតផលជាច្រើនមុខទៀត ដែលជាផលិតផលប្រើប្រាស់សម្រាប់ទារក និងកុមារដែលកំពុងតែទទួលបានការគាំទ្រយ៉ាងខ្លាំងពីសំណាក់អតិថិជនទូទាំងប្រទេស។
ថ្នាក់ដឹកនាំក្រុមហ៊ុន Nutrilife Capital PLC សុទ្ធសឹងតែជាសហគ្រិនជោគជ័យជាអ្នកដឹកនាំ និងជាអ្នកគ្រប់គ្រងមានបទពិសោធន៍ប្រកបដោយយុទ្ធសាស្ត្រ ភាពប៉ិនប្រសព្វ ការទទួលខុសត្រូវ និងមានសុច្ចរិតភាពខ្ពស់ក្នុងការអភិវឌ្ឍន៏ក្រុមហ៊ុន។
ផ្តោតលើភាពជោគជ័យទៅលើផលិតផលដែលមានស្រាប់ ក្រុមហ៊ុន នូទ្រីឡាយហ៏ មានគម្រោងជាច្រើនក្នុងការអភិវឌ្ឍន៏ និង ផលិត ផលិតផលដែលមានគុណភាពខ្ពស់ ដើម្បីធ្វើការផ្គត់ផ្គង់ និងចែកចាយនៅលើទីផ្សារ មានដូចជាម្សៅទឹកដោះគោ Nutribebe ដែលនឹងបង្ហាញវត្តមាននៅក្នុងទីផ្សារក្នុងពេលឆាប់ៗខាងមុខនេះមជ្ឈមណ្ឌលថែទាំទារក Day Care ផលិតផលក្រដាសសើម ខោទឹកនោម និងផលិតផលជាច្រើនទៀតដែលនឹងបង្ហាញខ្លួនជាបន្តបន្ទាប់នាពេលខាងមុខ ដើម្បីបំពេញតម្រូវការទីផ្សារដែលកាន់តែរីកដុះដាលនាពេលអនាគត ហើយក្រុមហ៊ុនជឿជាក់ថាផលិតផលទាំងនោះ ប្រាកដជាទទួលបានភាពជោគជ័យថែមទៀតដោយផ្តោតទៅលើការពង្រីកយុទ្ធសាស្ត្រទីផ្សារចូលទៅក្នុងតំបន់អាស៊ាន។
សូមបញ្ជាក់ថាការិយាល័យកណ្តាលរបស់ក្រុមហ៊ុន នូទ្រីឡាហ្វ៍ មានទីតាំងនៅស្ថិតនៅអគារ Diamond Twin Tower ជាន់ទី ១១ ទីក្រុងកោះពេជ្រ ខណ្ឌចំការមក រាជធានីភ្នំពេញ៕
