កាលពីថ្មីៗនេះ realme ដែលជាម៉ាកស្មាតហ្វូនមានការរីកចម្រើនឆាប់រហ័សជាងគេបានជាប់ជាជម្រើសរបស់ក្រុមហ៊ុន“Fast Company” ដែល ជា សារព័ត៌មាន ហិរញ្ញវត្ថុ និងពាណិជ្ជកម្មដ៏ល្បីនៅអាមេរិកដោយជាប់ជា “ក្រុមហ៊ុនកំពូលទាំង 50 ដែលមានគំនិតច្នៃប្រឌិតល្អបំផុតរបស់ប្រទេសចិនក្នុងឆ្នាំ 2020”។
ការជាប់ចំណាត់ថ្នាក់ដ៏ល្អនេះ ដោយសារ realme ទើបបង្កើតឡើងក្នុងរយៈពេល ២ ឆ្នាំប៉ុណ្ណោះ ប៉ុន្តែមានសមត្ថភាពខ្ពស់ក្នុងការរចនាពេញនិយម និងបច្ចេកវិទ្យាខ្ពស់។ realme ក៏បានជាប់ក្នុងចំណាត់ថ្នាក់ទី 7 ជុំវិញពិភពលោក និងជាប់ជាម៉ាកស្មាតហ្វូនដែលលក់ដាច់លឿនជាងគេរហូតដល់ 50 លានគ្រឿងត្រឹមរយៈពេល 9 ត្រីមាសក្លាយជាម៉ាកស្មាតហ្វូនលេខមួយ ក្នុងពិភពលោកដែលមានការរីកចម្រើនលឿននិងក្លាយជាម៉ាកស្មាតហ្វូនពេញនិយមមួយ។
សម្រាប់លទ្ធផលនេះដែរមានន័យថា realme នៅក្នុងមួយឆ្នាំកន្លងទៅបានអនុវត្តការងារប្រកបដោយភាពច្នៃប្រឌិត ដែលត្រូវបានទទួលស្គាល់ដោយស្ថានប័នពាណិជ្ជកម្មអន្តរជាតិ និងប្រព័ន្ធផ្សព្វផ្សាយព័ត៌មាន។
“Fast Company” គឺជាសារព័ត៌មានមួយដែលល្បីឈ្មោះលើពិភពលោកក្នុងចំណោមសារព័ត៌មានហិរញ្ញវត្ថុ និងពាណិជ្ជកម្មដែលល្បីៗទាំង 3 រួមមាន“Fortune”និង“Business Weekly”និងជាសារព័ត៌មានមួយដែលផ្តោតលើការច្នៃប្រឌិត និងការបង្កើតថ្មី។
ចាប់ពីឆ្នាំ ២០១៤“Fast Company” ដែលតំណាងអោយក្រុមហ៊ុននៃការបង្កើតថ្មីជុំវិញពិភពលោកបានជាប់ជា “Best Innovative Company: MIC” ហើយចូលទៅក្នុងប្រទេសចិន ខណៈខ្លួនប្តេជ្ញាចិត្តក្នុងការស្វែងរកការប្រកួតប្រជែងថ្មី និងតម្លៃវិនិយោគដែលប្រកបដោយភាពច្នៃប្រឌិតនៅប្រទេសចិន។
លោក Sky Liដែលជានាយកប្រតិបត្តិ និងជាអ្នកបង្កើត realme បានបង្ហាញថា “ការបង្កើតថ្មីមានពីរជម្រើស : ទី១ គឺបច្ចេកវិទ្យា និងការស្រាវជ្រាវបង្កើតថ្មី ដែលមានគំនិតច្នៃប្រឌិតថ្មីៗ ហើយមួយវិញទៀតគឺការជ្រើសរើសកាត់បន្ថយដើមទុននៃបច្ចេកវិទ្យាសម្រេច និងពាក់កណ្តាលសម្រេច និងផ្សព្វផ្សាយអោយកាន់តែទូលំទូលាយហើយ realme ក៏បានជ្រើសយកនូវជម្រើសទី ២ នេះ”។ ការតាំងចិត្តរបស់ realme គឺផ្តល់នូវស្មាតហ្វូន និងផលិតផល AIoT ដែលមានរួមទាំងគុណភាពខ្ពស់ និងការរចនាទាន់សម័យបញ្ចូលគ្នាដល់អ្នកប្រើប្រាស់វ័យក្មេង។ រាល់ផលិតផលនីមួយៗរបស់ realme មិនថាការរចនាខាងក្រៅ ឬក៏គ្រឿងបំពាក់សុទ្ធតែមានកម្រិតខ្ពស់ជាងស្មាតហ្វូនជួរតម្លៃដូចគ្នា។
ត្រឹមរយៈពីរឆ្នាំប៉ុណ្ណោះ realme ក៏បានចូលទៅក្នុង ៥ ទ្វីបធំៗ និងទីផ្សារចំនួន 61 និងមានចំណែកទីផ្សារជាប់ចំណាត់ថ្នាក់កំពូលទី ៥ នៅក្នុងទីផ្សារចំនួន 13 នៅជុំវិញពិភពលោក។ លើសពីនេះទៅទៀត realme ក៏បានជាប់ក្នុងលំដាប់កំពូលទី 4 នៅក្នុងទីផ្សារជាច្រើននៅអាស៊ីអាគ្នេយ៍អូស្ត្រាលី និងឥណ្ឌា៕