.jpg)
កាលពីពេលថ្មីៗនេះ realme បានប្រកាសកំពូលស្មាតហ្វូនរបស់ខ្លួនគឺ Realme 7 series អាចសាកថ្មលឿនជាងមុនជាមួយនឹងបច្ចេកវិទ្យាពេញនិយម 65WSuperDart Charge សាកថ្ម ៣ នាទីលេង PubG បាន ៣ ប្រកួត។
Realme 7 series គឺអាចសាកបាន 50% ក្នុងរយៈពេល 12 នាទីហើយនេះមានន័យថា realme នឹងក្លាយជាក្រុមហ៊ុនស្មាតហ្វូន ដំបូងគេ នៅក្នុងប្រទេសកម្ពុជា ដែលបាននាំយកបច្ចេកវិទ្យាសាកថ្មលឿនកម្រិត Flagship ដាក់នៅលើស្មាតហ្វូនជួរតម្លៃ $300-$400 ធ្វើឲ្យយុវវ័យកាន់តែច្រើនបានប្រើប្រាស់បច្ចេកវិទ្យាពេញនិយមនិងឈានមុខគេ និង ក្លាយជាអ្នកផ្សព្វផ្សាយបច្ចេកវិទ្យាពេញនិយមពិតប្រាកដ។ ក្រោយសាកថ្ម ៣ នាទីផលិតផល realme 7 series អាចប្រើប្រាស់ក្នុងការមើល YouTube បាន 2.5 ម៉ោង លេង Instagram បាន 2 ម៉ោងនិងអាចលេង PUBG បាន ៣ វគ្គផងដែរ អាចបំពេញតម្រូវការអ្នកប្រើប្រាស់ដែលចូលចិត្តលេងទូរស័ព្ទកាន់តែច្រើន។
បច្ចុប្បន្ននេះ បច្ចេកវិទ្យាសាកថ្មលឿន 65WSuperDart Charge គឺជាការកែប្រែដ៏ធំថ្មីមួយនៃ realme Number series ដែល realme 6 series មានបច្ចេកវិទ្យា 30W Dart Charge ហើយស្មាតហ្វូន realme 7 series បានមានការដំឡើងជា 65W SuperDart Charge នៅខណពេលអស់ថ្ម គឺវាអាចសាកថ្មបាន 13% ក្នុងរយៈពេល 3 នាទី 12 នាទី ប្រហែលបាន 50% និង 100% ក្នុងរយៈពេល 34 នាទីអាចធ្វើឲ្យអ្នកប្រើប្រាស់សន្សំសំចៃពេលវេលាបានច្រើន។
នៅក្នុងទីផ្សារប្រទេសកម្ពុជា កាលពីមុន សម្រាប់បច្ចេកវិទ្យាសាកថ្មលឿន 65WSuperDart Charge មានតែនៅលើស្មាតហ្វូន Flagship ដែលមានជួរតម្លៃជាង 800 ដុល្លារ ប៉ុណ្ណោះ ប៉ុន្តែ realme X50 Pro ដែលបានចេញនៅដើមឆ្នាំ ២០២០ នេះគឺជា ស្មាតហ្វូន Flagship មួយដែលមានបំពាក់នូវបច្ចេកវិទ្យានេះតាំងពីយូរមកម៉្លេះ បច្ចុប្បន្ននេះក៏បានយកបច្ចេកវិទ្យា 65W SuperDart Charge មកបំពាក់នៅលើ realme 7 seriesដែលមានតម្លៃចន្លោះពី $300-$400 ហើយនេះ គឺជាការវាយបំបែកទៅលើជួរតម្លៃដែលផ្តល់នូវបទពិសោធ និង សមត្ថភាពក្នុងតម្លៃសមរម្យដែលយុវវ័យអាចទទួលយកបាន ហើយវានឹងក្លាយជាម៉ូឌែលដែលពេញនិយមនៅក្នុងសម័យថ្មីមួយ៕
