កាលពី​ថ្ងៃ​ទី​ ២១ ខែ​មិថុនា​កន្លង​ទៅ​ថ្មីៗ​នេះ​ក្រុមហ៊ុន Volkswagen Cambodia បាន​សម្ពោធ និង​ដាក់​បង្ហាញ​នូវ​រថយន្ត Tiguan Allspace ស៊េរី​ថ្មី​ដ៏ទំនើប​របស់​ខ្លួន​នៅ​អគារ​តាំង​បង្ហាញ​រថយន្ត Volkswagen ដែល​មាន​អាសយដ្ឋាន​ស្ថិត​នៅ​អគារ​លេខ #9392 មហាវិថី​សហព័ន្ធរុស្ស៊ី រាជធានី​ភ្នំពេញ​។

នៅក្នុង​ពិធី​ដ៏អស្ចារ្យ​នោះ​គឺ​ទទួល​បាន​ការចូលរួម​ពី​ភ្ញៀវកិត្តិយស​ជាច្រើនរូប អម​ដោយ​ការតាំង​បង្ហាញ​រថយន្ត Volkswagen ស៊េរី Tiguan Allspace ដ៏ប្រណីត​ដើម្បី​បំពេញ​តម្រូវការ​របស់​អតិថិជន​គ្រប់រូប​។

Tiguan Allspace ជា​រថយន្ត​ស៊េរី​ថ្មី​ប្រភេទ SUV ៧ កៅអី​បំពាក់​ដោយ​បច្ចេកវិទ្យា​ទំនើបៗ​ចុងក្រោយ​ផ្តល់​សុវត្ថិភាព​ខ្ពស់​មាន​ផាសុកភាព ងាយស្រួល​សម្រាប់​ការធ្វើ​ដំណើរ​បាន​គ្រប់​ស្ថានភាព​ផ្លូវ​ដែល​វា​ជា​ប្រភេទ​រថយន្ត​ដ៏ពេញនិយម​នៅ​លើ​ទីផ្សារ​កម្ពុជា​៕ រូបថត សហការី