នៅយប់ថ្ងៃទី ២០ ខែមិនា ឆ្នាំ ២០១៩ នេះ ក្រុមហ៊ុនទូរស័ព្ទ OPPO ប្រចាំនៅព្រះរាជាណាចក្រកម្ពុជាបានប្រកាស និង បង្ហាញខ្លួនជាផ្លូវការនូវផលិតផលថ្មីរបស់ខ្លួនប្រាកដមែន នោះគឺទូរស័ព្ទ F11 Pro ដ៏ស្រស់សង្ហា និង ដ៏ទាក់ទាញបំផុតដោយកម្មវិធី Launching Event នេះគឺមានអ្នកចូលរួមច្រើន ស្ទើរតែមិនគួរឲ្យជឿដែលរួមមានក្រុមការងារដៃគូសហការជាមួយក្រុមហ៊ុន OPPO ទាំងនៅកម្ពុជា និង ក្រៅប្រទេសដែលរួមមានបងប្អូនជាម្ចាស់ហាងលក់ទូរស័ព្ទ មានក្រុមតារាតំណាងឲ្យផលិតផលទូរស័ព្ទដៃ OPPO ទាំងបីដួងដ៏មានប្រជាប្រិយភាពប្រចាំនៅកម្ពុជា គឺអ្នកនាង ពេជ្រ សោភា កញ្ញា រ៉េតស៊ូហ្សាណា និង លោក Step, ក្រុមតារាដៃគូសហការផ្សព្វផ្សាយ (KOL) ទូរស័ព្ទដៃ OPPO. ក្រុមហ៊ុនទូរស័ព្ទដៃ OPPO បានធ្វើឲ្យអ្នកនិយមប្រើប្រាស់ទូរស័ព្ទនៅទូទាំងពិភពលោក និង នៅក្នុងប្រទេសកម្ពុជាមានការភ្ញាក់ផ្អើលជាខ្លាំង ដោយសារតែការរចនារូបរាងថ្មីរបស់ F11 Pro មានភាពប្លែក និង ទាក់ទាញជាងម៉ូឌែលមុនៗរបស់ OPPO ទាំងរូបរាង បច្ចេកវិទ្យា និង កម្លាំងម៉ាស៊ីន ជាពិសេសគឺការថតរូប Portrait ច្បាស់ឥតខ្ជោះនៅទីងងឹត, កាម៉េរាភ្លោះខាងក្រោយទំហំ 48MP, និង កាមេរ៉ាមុខបង្កប់ខ្លួននៅចំណុចកណ្តាលដ៏ទាន់សម័យ,អេក្រង់លាតពេញពិតប្រាកដទំហំ 6.5Inch អមមកជាមួយកម្រិតបង្ហាញ FHD+, បច្ចេកវិទ្យាសាកថ្មល្បឿនលឿន VOOC ជំនាន់ 3.0 ថាមពលថ្ម 4000mAh, មានបច្ចេកវិទ្យាជំនួយល្បឿន Hyper Boost , ហើយ F11 Pro មាន Ram ទំហំ 6GB និង Rom ទំហំ 64GB, មានពីរពណ៌ គឺ ពណ៌ Thunder Black និង ពណ៌ Aurora Green ។
កម្មវិធី Pre-Order F11 Pro ដែលមានរយៈពេលមួយសប្តាហ៍ចាប់ពីថ្ងៃទី ២១ ដល់ ថ្ងៃទី ២៧ ខែមិនា ឆ្នាំ ២០១៩ និងកម្មវិធី First SaleF11 Pro នៅថ្ងៃទី ២៨ ខែមិនា ឆ្នាំ ២០១៩ នេះផងដែរ សម្រាប់អតិថិជនដែលរស់នៅក្នុងព្រះរាជាណាចក្រកម្ពុជា។