អត្ដសញ្ញា​ភេទ​​​មិន​បាន​បញ្ជាក់​ពីអ្វី​ជា​បទពិសោធ​សិច​របស់​អ្នក​នោះទេ តែ​ជា​អ្វីដែល​អ្នក​ធ្វើ​ការ​ប្រាស្រ័យ​ទាក់ទង​ក្នុង​សង្គម។ មាន​ភាព​ខុស​ប្លែក​គ្នា​ខ្លះ​ៗ​អំពី​របៀប​ដែល​បុរស និង​ស្ដ្រី​មាន​ទំនាក់​ទំនង​គ្នា​ (​ទោះបីជា​យើង​ទទួល​ស្គាល់​ថា មិន​សុទ្ធតែ​បុរស​ទាំង​អស់​មាន​លិង្គ ឬ​ស្ដ្រី​ទាំង អស់​មាន​ទ្វារ​មាស​នោះទេ​)។

១. ស្ដ្រី​ឈ្នះ​ខាង​សម្រេចកាមច្រើនដង ដែល​បុរស​មិនអាច​

ជា​អ្នក​ជំនាញ​សិចសាស្ដ្រ​ វេជ្ជបណ្ឌិត បារបារ៉ា ឃីស្លីង ធ្លាប់​ប្រាប់ Cosmopolitan.com ថា បើ​អ្នក​ជា​មនុស្ស​ស្រី ហើយ​អ្នក​មាន​ឱកាស​​សម្រេច​កាម​បាន​ម្ដង​ អ្នក​ប្រាកដ​ជា​អាច​ធ្វើ​វា​បាន​ច្រើន​ដង​ជាប់​ៗ​គ្នា។

យ៉ាងណាមិញ ខណៈ​បុរស​តែងតែ​រង​ចាំ​ពេលវេលា​ពង្រឹង​ថាមពល​មុន​ពេល​អាច​បន្ដ​ទឹកទីពីរ បុរស​តិច​តួច​បំផុត​ដែល​មានសមត្ថភាព​សម្រេច​កាម​ច្រើន​លើក​ច្រើន​សា​នូវអ្វីដែល​ពួកគេ​តែងតែ​បាញ់​បញ្ចេញ​ទឹក​កាម​នោះ។

ថ្វីដ្បិតតែ​មិន​មែន​មនុស្ស​ទាំង​អស់​ឯកភាព​ថា ​​ការ​​ឈាន​ដល់​ទីជម្រៅ​ដោយ​មិន​ចាំ​បាច់​បាញ់​ទឹ​កកាម​របស់​បុរស​ គឺជា​រឿង​ពិត​​ នោះ​ជា​ទិកនិក​ធ្វើ​ឱ្យ​មាន​ការ​សម្រេច​កាម​ច្រើន​លើក​ច្រើន​សា​ដោយ​មិន​បញ្ចេញ​ទឹក​កាម​ ដូចជា សិច​តាន់ត្រា ជាដើម។

២. បុរស​ក៏​ចេះក្លែង​ធ្វើ​សកម្មភាព​សម្រេចកាម​ តែ​មិន​ញឹក​ញយ​ដូច​នារី​

ការ​សិក្សា​ឆ្នាំ​ ២០២០ លើ​និស្សិត​បុរស ១៨០​ នាក់ និង​ស្ដ្រី ១០១​ នាក់ បាន​បង្ហាញ​ថា និស្សិត​ដែល​បាន​រួម​ភេទ​តាម​រយៈ​ប្រដាប់​ភេទ​ មាន​បុរស ២៨​ ភាគរយ និង​នារី ៦៧​ ភាគ​រយ ធ្លាប់​បាន​ក្លែង​ធ្វើជា​សកម្មភាព​ឈាន​ដល់​ទី​ជម្រៅ។

ការ​សិក្សា​ថ្មីមួយ​ដែល​ចុះ​ផ្សាយ​ក្នុង​ព្រឹត្ដិបត្រ Sexual and Relationship Therapy បាន​បង្ហាញ​ថា មូលហេតុ​ទូទៅ​បំផុត​មួយ​ ដែល​បុរស​ក្លែង​សម្រេច​កាម​គឺ​បង្កើន​ភាព​ស្និទ្ធិស្នាល​រវាង​ដៃគូ។ នារី​រមែង​សម្ដែង​ជា​ភាគី​សម្រេច​កាម​តម្រេក​ដើម្បី​បញ្ចប់​សិច​ដ៏​គ្មាន​ភាព​ស្រណុក​ស្រួល។

៣. សិច​ប្រើ​មាត់​ពិត​ជា​បាន​ពង្រួម​គម្លាត​ឱកាស​ឈាន​ដល់​កាម​ត្រេក​កាន់តែ​ខ្លី​

ខណៈ ខារ៉ូល ឃ្វីន សិចវិទូ និង​ជា​អ្នក​ស្រាវជ្រាវ​នៅ​ហាង​លក់​ឧបករណ៍​សិច Good Vibrations បាន​និយាយ​ថា នារីប្រមាណ ៧០​ភាគរយ​កម្រ ឬ​អត់ធ្លាប់​មាន​ឱកាស​បាន​សម្រេច​កាម​ម្ដង​ណា​សោះ​ តាម​រយៈ​ការ​រួមភេទ។ ធៀប​នឹង​បុរស​ ៧៤​ ភាគរយ ដែល​បាន​សម្រេច​កាម​រៀង​រាល់​ពេ​លរួម​ភេទ។

តួលេខ​នេះ​បាន​កើន​ឡើង​ដល់ ៨១ ​ភាគរយ​ចំពោះ​នារី​ បើ​ពួកគេ​មិន​បាន​បូកបន្ថែម​សកម្មភាព​ផ្សេងៗ រួមទាំង ការ​ប្រើ​ទិកនិក​មាត់​ផង​ដែរ។

ខណៈ​ការ​ស្រាវជ្រាវ​បាន​បង្ហាញ​ថា ជា​ទូទៅ គ្រប់​សកម្មភាព​សិច​ទាំងអស់របស់​នារី​សុទ្ធតែ​មិន​អាច​សម្រេក​កាម​បាន​ច្រើន​ដូច​បុរស ស្ដ្រី​ដែល​បាន​រួម​ភេទ​ជាមួយ​ស្ដ្រី​ដូចគ្នា​មាន​ឱកាស​បាន​ឈាន​ដល់​ទីជម្រៅ​ច្រើន​ជាង​ស្ដ្រី​រួមភេទ​ជាមួយ​បុរស​ ដោយសារ​តែ​ពួកគេ​បាន​ប្រើ​ពេលវេលា​លើ​ការ​ដុត​កម្ដៅ​ភ្លើង​ក្នុង​រាងកាយ​ ដែល​មាន​ប្រសិទ្ធភាព​ល្អ​ជាង​ការបើក​ឆាក​ប្រយុទ្ធ​ភ្លាមៗ។

៤. ស្ដ្រី​ប្រើ​ពេល​សម្រេច​កាម​យូរ​ជាង​បុរស​អំឡុង​ពេល​រួមរ័ក្ស​តាម​ប្រដាប់ភេទ​

យ៉ាងណាមិញ ស្ដ្រី​ត្រូវការ​ពេល​វេលា​ដូចគ្នា​ដើម្បី​ឈាន​ដល់​ទី​ជម្រៅ​នៃ​កាម​តម្រេក​តាម​រយៈ​ការ​សម្រេច​កាម​ខ្លួន​ឯង​ ដូច​នឹង​អ្វីដែល​បុរស​ប្រើ​ពេលវេលា​ដើម្បី​សម្រេច​កាម​តាម​រយៈ​ការ​រួមភេទ។

យោងតាម​ការ​ស្រាវ​ជ្រាវ​ដោយ Alfred Charles Kinsey ជាធម្មតា បុរស​អាច​ឈាន​ដល់​ទីជម្រៅ​ត្រឹម​សកម្មភាព​តែ​ ៥​ នាទី ​​ជាឋេរវេលា​ដែល​ស្ដ្រី​ត្រូវការ​ផង​ដែរ​សម្រាប់​ការ​បបោស​អង្អែល​ខ្លួន​ឯង​ដើម្បី​សម្រេច​កាម។ (ជា​ថ្មី​ម្ដង​ទៀត វា​អាស្រ័យ​លើ​បុគ្គល​នីមួយៗ​ចំពោះ​ការ​ប្រើ​ប្រាស់​ពេលវេលា​យូរ​ឬ​ក៏​ឆាប់)។

៥. ស្ដ្រី​អាច​ត្រូវបាន​ធ្វើ​ឱ្យ​ស្រើប​ស្រួល​បំផុត​ជាមួយ​បុគ្គល​គ្រប់​ភេទ​

ការ​សិក្សា​ជា​ច្រើន​បាន​បង្ហាញ​ថា ស្ដ្រី​ស្រឡាញ់​បុរស និង​ស្ដ្រី​ខ្ទើយ មាន​ប្រតិកម្ម​លើ​រាងកាយ​ដូច​គ្នា​ពេល​ទស្សនា​ភាពយន្ដ​សិច​ស្រី​រវាង​​ស្រី ស្រីរវាង​​បុរស និង​សិច​បុរសរវាង​បុរស​ ដោយ​មិន​ខ្វល់​ពី​បុគ្គល​មាន​ភេទ​ណា​ដែល​ពួកគេ​គេង​ជាមួយ​ឡើយ។ ទន្ទឹម​នឹង​នេះ ភាព​រំជើប​រំជួល​ផ្លូវភេទ​របស់​បុរស មាន​ទំនាក់​ទំនង​យ៉ាង​ស្និទ្ធ​ជាមួយ​បុគ្គល​ដែល​ខ្លួន​ចូលចិត្ដ។

ការ​សិក្សា​ឆ្នាំ​ ២០១៥ ពី​សាកលវិទ្យាល័យ​ Essex បាន​បង្ហាញថា ជាពិសេស នារី​ស្រឡាញ់​បុរស​មាន​សន្ទុះ​ចិត្ដ​ស្រើប​ស្រាល​ពី​ការ​ទស្សនា​វីដេអូ​សិច​រវាង​បុរស​សង្ហារ និង​នារី​ស្អាត​ដូច​គ្នា ខណៈ​បុរស​ស្រឡាញ់​នារី និង​បុរស​ខ្ទើយ កើត​អារម្មណ៍​សិច​ដោយ​ផ្ដោតតែ​ទៅលើ​យេនឌ័រ​ ដែល​ពួកគេ​ប្រាថ្នា​ប៉ុណ្ណោះ​៕ HR