.jpg)
ប្រជាជនឈរតម្រង់ជួរដើម្បីទទួលការចាក់វ៉ាក់សាំងកូវីដ ១៩ Pfizer/BioNTech ដូសទី១ នៅមជ្ឈមណ្ឌលពាណិជ្ជកម្ម និងពិពណ៌អន្តរជាតិក្នុងទីក្រុងគូឡាឡាំពួ កាលពីថ្ងៃទី ៣១ ឧសភា។AFP
កាលពីថ្ងៃអង្គារ ទី ២ មិថុនា សមាគមវេជ្ជសាស្រ្តម៉ាឡេស៊ី (Malaysia Medical Association) ប្រកាសថា កំឡុងពេលយុទ្ធនាការចាក់វ៉ាក់សាំងកូវីដ ១៩ ការចូលរួមរបស់គ្រូពេទ្យឯកទេសឯកជន គឺនៅមានកម្រិត។
នៅក្នុងសេចក្តីថ្លែងការណ៍មួយប្រធានក្រុមហ៊ុនសមាគមន៍វេជ្ជសាស្រ្តម៉ាឡេស៊ី លោក Subramaniam Muniandy បានស្តីបន្ទោសក្រសួងសុខាភិបាល និងគណៈកម្មាធិការពិសេសស្តីពីការធានាការផ្គត់ផ្គង់ការចាក់វ៉ាក់សាំងកូវីដ ១៩ ចំពោះភាពយឺតយ៉ាវក្នុងការចូលរួមជាមួយគ្រូពេទ្យនៅក្នុងប្រទេសក្នុងនាមជាអ្នកស្ម័គ្រចិត្តក្នុងការគ្រប់គ្រងវ៉ាក់សាំង។
កាលពីថ្ងៃទី ៣១ ឧសភាលោក Khairy Jamaluddin ដែលជារដ្ឋមន្រ្តីក្រសួងវិទ្យាសាស្រ្តបច្ចេកវិទ្យា និងការច្នៃប្រឌិតនិយាយថាមានតែគ្លីនិកឯកជនចំនួន ២ ៤៦៧ ប៉ុណ្ណោះដែលបានចុះឈ្មោះជាអ្នកស្ម័គ្រចិត្តនៅក្នុងយុទ្ធនាការចាក់វ៉ាក់សាំងនេះ។
យោងតាមការដកស្រង់សម្តីរបស់សារព័ត៌មាន CNA លោកបាននិយាយថា ទោះបីនៅក្នុងប្រទេសមានគ្រូពេទ្យប្រហែលជា ៧ ០០០ នាក់ ក៏ដោយក៏មិនមែនគ្រប់គ្នាអាចចូលរួមក្នុងយុទ្ធនាការចាក់វ៉ាក់សាំងបានទេ។
លោកបានបន្តថា ការដែលមិនសូវមានការស្ម័គ្រចិត្តពីសំណាក់អ្នកធ្វើការនៅក្នុងវិស័យវេជ្ជសាស្រ្តទូទៅអាចមកពីមិនទាន់មានសមត្ថភាពគ្រប់គ្រាន់ ឬក៏នៅតាមបណ្តាគ្លីនិកឯកជនមិនមានកន្លែងស្តុកវ៉ាក់សាំងតាមការកំណត់។
លោក Khairy បាននិយាយនៅថ្ងៃទី ៣០ ខែឧសភាថា ប្រហែលជា ១ ៨០០ នាក់ ក្នុងចំណោមអ្នកដែលបានចុះឈ្មោះស្ម័គ្រចិត្តបានទទួលការបណ្តុះបណ្តាលជាអ្នកចាក់វ៉ាក់សាំង។ គ្លីនិកសរុបចំនួន ៥០០ នឹងចាប់ផ្តើមគ្រប់គ្រងវ៉ាក់សាំងនៅត្រឹមថ្ងៃទី ១៥ ខែមិថុនា ហើយចំនួនគ្លីនិកដែលត្រូវបានចាត់តាំងជាមជ្ឈមណ្ឌលចាក់វ៉ាក់សាំងនឹងកើនឡើងដល់ ១ ពាន់។
លោក Subramaniam បានចង្អុលបង្ហាញនៅក្នុងសេចក្តីថ្លែងការណ៍ថា គ្រូពេទ្យដែលស្ម័គ្រចិត្តនឹងចាប់ផ្តើមចូលរួមយុទ្ធនាការចាក់វ៉ាក់សាំងនៅដើមខែឧសភា ប៉ុន្តែពន្យារពេលដោយត្រូវចាំសេចក្តីសម្រេចពីរដ្ឋាភិបាល។
លោកបាននិយាយបន្ថែមថា ក្នុង១ ថ្ងៃអាចផ្តល់ការចាក់វ៉ាក់សាំងដល់ទៅ ៧៥ ពាន់នាក់ បើសិនជាមានគ្រូពេទ្យចំនួន ២ ៥០០ នាក់ចូលរួម។
ក្រសួងបាននិយាយថាដើម្បីធានាថា ការចាក់វ៉ាក់សាំងស្របតាមស្តង់ដារបស់ក្រសួងសុខាភិបាលគ្រប់ផ្នែកសុខាភិបាលរបស់រដ្ឋកំពុងបង្កើនការចូលរួមពីអ្នកអនុវត្តវិស័យវេជ្ជសាស្រ្តទាំងនេះ។
ក្រុមហ៊ុន ProtectHealth បាននិយាយថា កន្លែងអនុវត្តផ្នែកវេជ្ជសាស្រ្តឯកជនជាង ២០០ នាក់ បានក្លាយជាមជ្ឈមណ្ឌលចាក់វ៉ាក់សាំង ហើយមកដល់ពេលនេះកំពុងទទួលការបង្ហាត់ទៅតាមកម្មវិធីយុទ្ធនាការចាក់វ៉ាក់សាំងកូវីដ ១៩៕
