.jpg)
ជើងហោះហើររបស់ Delta Air ពីទីក្រុង Los Angeles ទៅ Nashville បានធ្វើការចុះចតជាបន្ទាន់នៅទីក្រុង Albuquerque នៃរដ្ឋ New Mexico ដោយបុរសម្នាក់ត្រូវបានបណ្តេញចេញពីជើងហោះហើរនោះ។
អ្នកដំណើរនៅលើជើងហោះហើរនោះបានព្យាយាមចូលទៅក្នុងកាប៊ីនយន្ដហោះរហូតដល់អ្នកដំណើរម្នាក់ទៀត និងសមាជិកនៃក្រុមអាកាសយានិកបានឃាត់គាត់។ គាត់បានស្រែកម្តងហើយម្តងទៀតថា ឱ្យបញ្ឈប់ការធ្វើដំណើររបស់យន្ដហោះនេះ។
នៅក្នុងសេចក្តីថ្លែងការណ៍មួយទៅកាន់ប្រព័ន្ធផ្សព្វផ្សាយអាមេរិក ក្រុមហ៊ុន Delta បានថ្លែងអំណរគុណចំពោះក្រុមបុគ្គលិក និងអ្នកដំណើរចំពោះការជួយសម្រួលបញ្ហានេះ។ យន្តហោះបានចុះចតទៅដល់គោលដៅដោយគ្មានបញ្ហា ហើយអ្នកដំណើរដែលបង្ករឿងនោះត្រូវបានបណ្តេញចេញ៕
