ទ័ពជើងអាកាសរបស់ស៊ីរីកាលពីថ្ងៃអង្គារកន្លងទៅ បានស្ទាក់មីស៊ីលរបស់អ៊ីស្រាអែល ដែលគ្រោងនឹងវាយប្រហារលើរដ្ឋធានី Damascus ដោយក្រុមយោធាបាននិយាយថា គោលដៅនៃមីស៊ីល គឺចង់វាយប្រហារទៅលើក្រុមសកម្មប្រយុទ្ធដែលគាំទ្រដោយអ៊ីរ៉ង់។
ប្រព័ន្ធផ្សព្វផ្សាយរដ្ឋមួយបានឱ្យដឹងថា៖ «កងយោធាដែនអាកាសរបស់ស៊ីរី បានស្ទាក់ចាប់ការវាយប្រហារ របស់អ៊ីស្រាអែលចេញមកពីដែនអាកាសលីបង់»។
យោធាស៊ីរីបានឱ្យដឹងថា មីស៊ីលនេះ បានវាយប្រហារទៅលើតំបន់ភាគកណ្តាលនិងភាគខាងត្បូង ដោយមិនបានបញ្ជាក់ពីទីតាំងនោះទេ។ ទោះយ៉ាងណាក្ដី ការវាយប្រហារនេះ បានធ្វើឱ្យមានការខូចខាតសម្ភារមួយចំនួនតែប៉ុណ្ណោះ។
ដោយឡែក ប្រព័ន្ធផ្សព្វផ្សាយរដ្ឋមួយចំនួនទៀត ក៏បាននិយាយថា មីស៊ីលនេះ បានវាយប្រហារទៅលើខេត្ត Homs ស្ថិតនៅជាប់នឹងប្រទេសលីបង់ ដែលជាកន្លែងក្រុមយោធាលីបង់ Lebanese Shi''ite Hezbollah គាំទ្រដោយអ៊ីរ៉ង់ បានឈរជើងនៅតាមតំបន់ព្រំដែននេះ។
ទោះជាយ៉ាងណា មិនមានការអត្ថាធិប្បាយភ្លាមៗណាមួយចេញពីយោធាអ៊ីស្រាអែលទេ។ ដោយឡែក ប្រភពចេញពីការស៊ើបការណ៍សម្ងាត់របស់លោកខាងលិច បាននិយាយថា ការវាយប្រហាររបស់អ៊ីស្រាអែលទៅលើប្រទេសស៊ីរី កើតឡើងចាប់តាំងពីឆ្នាំមុនម៉្លេះ ដែលជាផ្នែកមួយនៃសង្គ្រាមស្រមោលដែលបន្សល់ដោយអាមេរិក។
កូដកម្មនេះ ក៏ជាផ្នែកមួយនៃគោលនយោបាយប្រឆាំងនឹងអ៊ីរ៉ង់ ដែលក្នុងរយៈពេល ២ ឆ្នាំចុងក្រោយនេះ ចង់បង្កឱ្យមានប៉ះពាល់ដល់កម្លាំងយោធាយ៉ាងទូលំទូលាយ ដោយមិនបាច់ចាប់ផ្តើមបង្កើនអរិភាពធ្ងន់ធ្ងរ។
ប្រភពដដែលបានឱ្យដឹងថា អ៊ីស្រាអែលក្នុងរយៈពេល ១ ឆ្នាំកន្លងមក បានពង្រីកគោលដៅរបស់ខ្លួននៅទូទាំងប្រទេសស៊ីរី ដោយបន្ថែមកងទ័ពអ៊ីរ៉ង់រាប់ពាន់នាក់ចូលរួមក្នុងការដណ្តើមយកទឹកដីជាច្រើន ដែលប្រធានាធិបតីស៊ីរីលោក Bashar al Assad ដណ្ដើមបាននៅក្នុងសង្គ្រាមស៊ីវិលដែលមានអាយុជាង ១ ទសវត្សរ៍នេះ៕