កាលពីថ្ងៃអង្គារ ទី ៨ មិថុនា ព្រឹទ្ធ សភា អាមេរិក បានបោះឆ្នោ តដើម្បីអនុម័តកញ្ចប់ច្បាប់ដែលមានគោលបំណង ដើម្បីលើកកម្ពស់សមត្ថភាពរបស់ប្រទេសនេះក្នុងការប្រកួតប្រជែងជាមួយនឹងបច្ចេកវិទ្យារបស់ចិន។
ការចង់រឹតបន្តឹងទំនាក់ទំនងជាមួយចិន គឺជាគំនិតមួយក្នុងចំណោមគំនិតទ្វេភា គីមួយចំនួននៅក្នុងសភាអាមេរិកដែលត្រូវបានគ្រប់គ្រងយ៉ាងតឹងរ៉ឹងដោយក្រុមប្រជាធិបតេយ្យរបស់ប្រធានាធិបតីអាមេរិកលោក Joe Biden។
វិធានការនេះនឹងផ្តល់ប្រាក់ប្រហែល ១៩០ ពាន់លានដុល្លារ សម្រាប់បទប្បញ្ញត្តិដើម្បីពង្រឹងបច្ចេកវិទ្យានិងការស្រាវជ្រាវរបស់សហរដ្ឋអាមេរិកហើយនឹងអនុម័តការចំណាយ ៥៤ កោដិដុល្លារ ដោយឡែកដើម្បីបង្កើនផលិតកម្ម និងការស្រាវជ្រាវអាមេរិកទៅលើឧបករណ៍អេឡិចត្រូនិក និងឧបករណ៍ទូរគមនាគមន៍។ បន្ថែមពីនេះមានទឹកប្រាក់ប្រមាណ ២ ពាន់លានដុល្លារសម្រាប់បន្ទះឈីបដែលបានប្រើដោយក្រុមហ៊ុនផលិតរថយន្តដែលបានមើលឃើញពីកង្វះខាតយ៉ាងច្រើន។
សភាប្រទេសចិន បានសម្តែងនូវការខឹងសម្បាយ៉ាងខ្លាំងនិងប្រឆាំងជំទាស់ចំពោះសេចក្តីព្រាងច្បាប់នេះ។ ភាគីបាននិយាយនៅក្នុងសេចក្តីថ្លែងការណ៍មួយថាច្បាប់សហរដ្ឋអាមេរិកបានបង្ហាញពីការភាន់ច្រឡំនៃការចង់ក្លាយជាអ្នកឈ្នះតែមួយគត់៕