កាលពីថ្ងៃអង្គារ ទី ៨ មិថុនា រដ្ឋមន្រ្តីក្រសួងការបរទេសអាមេរិកលោក Antony Blinken បានដាក់ការសង្ស័យលើរបាយការណ៍ស្តីពីប្រភពដើមនៃកូវីដ ១៩ ដកស្រង់ដោយកាសែត Wall Street Journal សន្និដ្ឋានថា សម្មតិកម្មនៃការលេចចេញមេរោគពីមន្ទីរពិសោធន៍ចិនគឺអាចជឿទុកចិត្តបាន។
លោក Blinken បាននិយាយថា៖ «ខ្ញុំបានឃើញរបាយការណ៍នេះ។ ខ្ញុំគិតថា វាស្ថិតនៅលើកម្រិត មួយដែលមិនត្រឹមត្រូវទេ»។
សារព័ត័មាននោះកាលពីថ្ងៃទី ៧ បានដកស្រង់សម្តី មនុស្សដែលដឹងពីរបាយការណ៍ចម្រុះ ដោយមន្ទីរពិសោធន៍ជាតិរបស់រដ្ឋាភិបាលសហរដ្ឋអាមេរិកដែលនិយាយថា ខ្លួនបានសន្និដ្ឋានថាសម្មតិកម្មនៃការលេចចេញវីរុសចេញពីមន្ទីរពិសោធន៍ចិននៅវូហានគឺអាចជឿទុកចិត្តបាន។
របាយការណ៍បាននិយាយថាការសិក្សានេះត្រូវបានរៀបចំនៅខែឧសភា ឆ្នាំ ២០២០ ដោយមន្ទីរពិសោធន៍ជាតិ Lawrence Livermore និងបានយោងដោយរដ្ឋនៅពេលដែលធ្វើការស៊ើបអង្កេតទៅលើប្រភពដើមនៃជំងឺកូវីដ ១៩ ក្នុងអំឡុងពេលប៉ុន្មានខែចុងក្រោយនៃរដ្ឋបាលរបស់អតីតប្រធានាធិបតីអាមេរិក។
លោក Blinken បាននិយាយថា របាយការណ៍នេះ គឺជាការងាររបស់មន្រ្តីម្នាក់ និងបុគ្គលមួយចំនួនហើយមិនមែនជាការខិតខំរបស់រដ្ឋាភិបាលទាំងមូលដែលលោកប្រធានាធិបតី Joe Biden បានបញ្ជាឱ្យមានការស៊ើបអង្កេត ដើម្បីរកមើលប្រភពដើមនៃវីរុសនោះទេ៕