.jpg)
រដ្ឋមន្រ្តីក្រសួងការពារជាតិសហរដ្ឋអាមេរិក លោក Lloyd Austin បានចេញសេចក្តីអំពាវនាវជាផ្លូវការមួយ ស្ដីអំពីពីការផ្តួចផ្តើមគំនិតជាច្រើន ដើម្បីផ្សះផ្សាជាមួយចិនវិញ ប៉ុន្តែមន្ត្រីភាគច្រើនមិនទាន់បានបង្ហើបនូវ ព័ត៌មានលម្អិតស្ដីអំពីរបៀប ដែលថាគំនិតផ្ដួចផ្ដើមនេះនឹងខុសប្លែកពីកិច្ចខិតខំប្រឹងប្រែងកន្លងមកយ៉ាងណានោះទេ។
សហរដ្ឋអាមេរិកបានផ្តោតលើកិច្ចខិតខំប្រឹងប្រែងក្នុងការផ្សះផ្សាទំនាក់ទំនងជាមួយចិន អស់ជាច្រើនឆ្នាំមកហើយ ក្រោយប្រទេសទាំង ២ មានជម្លោះទាក់ទិននឹងបញ្ហា បច្ចេកវិទ្យា និងសិទ្ធិមនុស្ស ក៏ដូចជាសកម្មភាពយោធាចិននៅក្នុងសមុទ្រចិនខាងត្បូងផងដែរ។
ចំណាត់ការនេះ គឺជាលទ្ធផលនៃអនុសាសន៍ដែលបង្កើតដោយក្រុមការងារមន្ទីរ Pentagon ដែលត្រូវបានបង្កើតឡើងក្នុងខែកុម្ភៈ ដោយប្រធានាធិបតីអាមេរិក លោក Joe Biden។
សេចក្តីថ្លែងការណ៍នេះក៏បានឱ្យដឹងទៀតថា គំនិតផ្តួចផ្តើមនេះនឹងបង្កើនសមត្ថភាពរបស់យោធា ដើម្បី «ធ្វើឱ្យប្រសើរឡើងនូវបណ្តាញសម្ព័ន្ធមិត្តនិងភាពដៃគូរបស់យើង ក៏ដូចជា ពង្រឹង ដោះស្រាយ រាំងស្ទះ និងពន្លឿនការអភិវឌ្ឍគំនិតប្រតិបត្តិការថ្មីរវាងប្រទេសទាំង ២»៕
