.jpg)
លោកប្រធានាធិបតី វ្លាឌីមៀរ ពូទីន ថ្លែងក្នុងជំនួបមួយនៅក្នុងទីក្រុង Saint Petersburg កាលពិថ្ងៃទី ៤ មិថុនា។ AFP
កាលពីថ្ងៃចន្ទ ទី ១៤ មិថុនា ប្រធានាធិបតីសហរដ្ឋអាមេរិក លោក Joe Biden បាននិយាយថា ប្រទេសអ៊ុយក្រែន មិនទាន់បានបំពេញតាមបទដ្ឋានដែលបានទាមទារ ដើម្បីចូលរួមជាមួយសម្ព័ន្ធណាតូទេ ប៉ុន្តែនឹងទទួលបានការគាំទ្រចាំបាច់ពីសម្ព័ន្ធមិត្តពេលភាពតានតឹងកើនឡើងជាមួយប្រទេសរុស្ស៊ី។
លោក Biden បានលើកឡើងពីគោលជំហររបស់លោកចំពោះអ៊ុយក្រែន បន្ទាប់ពីកិច្ចប្រជុំជាមួយមេដឹកនាំណាតូនៅមុនថ្ងៃនៃកិច្ចប្រជុំកំពូលដែលបានគ្រោងទុករបស់លោកជាមួយប្រធានាធិបតីរុស្ស៊ី លោក Vladimir Putin។
លោក Biden បាននិយាយថា៖ «វាអាស្រ័យលើថាតើពួកគេបំពេញតាមលក្ខណៈវិនិច្ឆ័យដែរ ឬយ៉ាងណា? ការពិតគឺថា ពួកគេនៅតែត្រូវលុបបំបាត់អំពើពុករលួយនៅក្នុងប្រទេស។ ពួកគេនៅតែត្រូវបំពេញតាមលក្ខណៈវិនិច្ឆ័យផ្សេងទៀត ដើម្បីចូលទៅក្នុងផែនការសកម្មភាពរបស់សម្ព័ន្ធមិត្តនេះ»។
លោកបានបន្តនិយាយថា ក្នុងពេលនេះយើងនឹងធ្វើឱ្យអស់ ពីសមត្ថភាពដើម្បីគាំទ្រប្រទេសអ៊ុយក្រែន បន្តទប់ទល់នឹងការឈ្លានពានរបស់រុស្ស៊ីបាន៕
