កាលពីថ្ងៃចន្ទ ទី ១៤ មិថុនា ឧស្ម័ននៅរោងចក្រថាមពលនុយក្លេអ៊ែរនៅភាគខាងត្បូងប្រទេសចិន ត្រូវបានបញ្ចេញដោយចេតនាបន្ទាប់ពីប្រព័ន្ធផ្សព្វផ្សាយអាមេរិកបានរាយការណ៍អំពីការលេចធ្លាយ។
សារព័ត៌មាន CNN បានផ្សាយថារដ្ឋាភិបាលអាមេរិក កំពុងវាយតម្លៃរបាយការណ៍នៃការលេចធ្លាយនៅឯរោងចក្រថាមពលនុយក្លេអ៊ែរ Taishan ក្នុងខេត្តក្វាងទុងបន្ទាប់ពីក្រុមហ៊ុនFramatome បានព្រមានពីការគំរាមកំហែងវិទ្យុសកម្មដែលនឹងអាចកើតមាន។
អ្នកនាំពាក្យរបស់ EDF ដែលជាក្រុមហ៊ុនផ្គត់ផ្គង់ហ្គាសនិងអគ្គិសនីបាននិយាយថា ហ្គាសបានលេចធ្លាយបន្ទាប់ពីថ្នាំកូតនៅលើបំពង់ខ្យល់ប្រេងឥន្ធនៈមួយចំនួនបានអន់ថយ។ អ្នកនាំពាក្យរូបនោះ បាននិយាយថា ឧស្ម័នត្រូវបានប្រមូល និងត្រូវបានចាត់ទុកជាផ្នែកមួយនៃដំណើរការ ដើម្បីដកចេញនូវវិទ្យុសកម្មណាមួយមុនពេលបញ្ចេញ ហើយនេះជារឿងធម្មតានិងស្របតាមបទបញ្ជា។
Framatome បាននិយាយនៅក្នុងសេចក្តីថ្លែងការណ៍មួយថា រោងចក្រនេះកំពុងដំណើរការនៅក្នុងកម្រិតសុវត្ថិភាព ទោះបីជាមានបញ្ហាក្នុងការដំណើរការក៏ដោយ៕