នៅប្រទេសឥណ្ឌា ករណីវិជ្ជមានកូវីដ ១៩ ថ្មីកើនឡើងលើសពី ៤០០ ០០០ នាក់ និងមានអ្នកស្លាប់លើសពី ៤ ០០០ នាក់នៅថ្ងៃខ្លះ។ ការឆ្លងក្នុងសហគមន៍នៅប្រទេសឥណ្ ឌាលើកនេះ ពិបាកក្នុងការគ្រប់គ្រងដែលធ្វើឱ្យមនុស្សគ្រប់វណ្ណៈមានការព្រួយបារម្ភ។ ទោះបីជាមានការព្រួយបារម្ភចំពោះការឆ្លង និងរីករាលដាលនេះក៏នៅមានមនុស្សដែលមានមនុស្សធម៌ចូលរួមក្នុង ការទប់ស្កាត់ការរីករាលដាល នេះផងដែរ។
នៅទីក្រុង Mumbai ប្រទេសឥណ្ឌា អ្នកជំងឺតម្រងនោមម្នាក់ឈ្មោះ Rozy Saldhana និងប្តីរបស់ អ្នកមានចំណេះ ដឹងមូលដ្ឋានផ្នែកវេជ្ជសាស្ត្រ មានបំពង់អុកស៊ីហ៊ែ្សននៅផ្ទះក្នុងករណីសង្គ្រោះបន្ទាន់ បានផ្តល់ឱ្យអ្នកដែលត្រូវការជាការចូលរួមទប់ស្កាត់ការរីករាលដាលនៅឥណ្ឌាបច្ចុប្បន្ន។ ទោះបីជាមានជំងឺខ្សោយតម្រងនោមក៏ដោយបុរសអាយុ ៥២ ឆ្នាំរូបនេះមិនស្ទាក់ ស្ទើរក្នុងការផ្តល់បំពង់អុកស៊ីហ៊ែ្សនទៅដល់អ្នកដែលត្រូវការដែរ។
គួរបញ្ជាក់ផងដែរថា ប្រទេសឥណ្ឌា ជួបប្រទះការខ្វះអុកស៊ីហ៊ែ្សន និងគ្រែសម្រាប់ អ្នកព្យាបាលអ្នកជំងឺកូវីដ ១៩ ខណៈករណីវិជ្ជមានកើនឡើងជាលំដាប់។
លោក Pascol ដែលជាស្វាមីរបស់អ្នកស្រី Rozy បានទទួលដំណឹងថា មានអ្នកត្រូវការជំនួយអុកស៊ីហ្ស៊ែន ហើយក៏សម្រេចចិត្តផ្តល់នូវអុកស៊ីហ្ស៊ែន ដែលខ្លួនមានទៅបុគ្គលនោះ។ អ្នកស្រី Saldhana ក្រោយពីទទួលបានដំណឹងពីតម្រូវការនេះ ខ្លួនក៏បានប្រគល់នូវបំពង់អុកស៊ីហ៊ែ្សនដែលខ្លួនមាន មិនតែប៉ុណ្ណោះ អ្នកស្រីបានប្រាប់ស្វាមីឱ្យលក់គ្រឿងអលង្កាទាំងអស់ និងទិញអុកស៊ីហ៊ែ្សន ដើម្បីជួយមនុស្សដែលត្រូវការ។
ក្រៅពីចិត្តសប្បុរសរបស់បុគ្គលក្នុងការជួយ និងចូលរួមទប់ស្កាត់ការរីករាលដាលនៅក្នុងសហគមលើកនេះ ក៏មានបណ្តាអង្គការមួយចំនួនបានស្ម័គ្រចិត្តជួយ និងចូលរួមទប់ទល់ករណីឆ្លងក្នុងសហគមន៍នេះផងដែរ។
នៅទីក្រុងដេលី ប្រទេសឥណ្ឌា អង្គការស្ម័គ្រចិត្ត Khalsa Help International បានរៀបចំកន្លែងជាមន្ទីរពេទ្យបណ្តោះអាសន្ននៅទីតាំងជាច្រើន ដើម្បីព្យាបាលអ្នកជំងឺ។ ការផ្គត់ផ្គង់អុកស៊ីហ៊ែ្សនឥតគិតថ្លៃរបស់អង្គការនេះបានជួយសង្គ្រោះជីវិតមនុស្សរាប់ពាន់នាក់ចាប់តាំងពីចុងខែមេសាមក។
ស្ថាបនិកអង្គការនេះ លោក Gurpreet Singh Rummy បាននិយាយថា ក្រុមនេះ មិនបានបដិសេធ នរណាម្នាក់ឡើយ។ លោកបាននិយាយថា សកម្មភាពនេះ បានជួយមនុស្សជាង ១៥ ០០០ នាក់ ដែលក្នុងនោះ ៨ ០០០ ទៅ ១០ ០០០ នាក់ ស្ថិតក្នុងស្ថានភាពធ្ងន់ធ្ងរ ហើយអាចនឹងស្លាប់ដោយគ្មានអុកស៊ីហ៊ែ្សន។
ការឆ្លងក្នុងសហគមន៍ បានចាប់ផ្តើមឡើងខ្ពស់នៅដើមខែមីនា ហើយចំនួនករណីប្រចាំថ្ងៃនៅចុងខែមីនា បានកើនឡើងជាង ៦ ដងនៅដើមខែ។ ករណីវិជ្ជមានកូវីដ ១៩ នៅតែកើនឡើងដល់ខែឧសភា ដែលបណ្តាលឱ្យមានវិស័យសុខាភិបាលសាធារណៈនៃប្រទេសនេះ ស្ទើរតែលែងដំណើការ។
រលកទី១ នៃការឆ្លងក្នុងសហគមន៍ បានកើនឡើងខ្ពស់បំផុតនៅខែកញ្ញា ឆ្នាំ ២០២០ ហើយករណីវិជ្ជមាន ប្រចាំថ្ងៃបានធ្លាក់ចុះជាលំដាប់នៅខែបន្ទាប់។ ការជាសះស្បើយឡើងវិញហាក់ដូចជាទទួលបានជោគជ័យដូច្នេះរដ្ឋមន្រ្តីក្រសួងសុខាភិបាលរបស់ប្រទេសនេះបានប្រកាសនៅដើមខែមីនា ឆ្នាំ ២០២១ ថា ពួកគេកំពុងស្ថិតក្នុងដំណាក់កាលចុងក្រោយ នៃរោគរាត ត្បាតនេះ ។ ប៉ុន្តែរលកទី២ នៃការរីករាលដាលក្នុងសហគមន៍នេះជាអ្វីដែលប្រទេសឥណ្ឌា មិនអាចព្រាងទុកបាន៕
a