.jpg)
លោកប្រធានាធិបតី រ៉េសិប តៃយីប អេរដូហ្គែន។ AFP
កាលពីថ្ងៃអង្គារ ទី ១៥ ខែមិថុនា ប្រធានាធិបតីតួកគី បានសន្យាគាំទ្រដល់អាស៊ែបៃហ្សង់ ប្រសិនបើប្រទេសរុស្ស៊ី វាយប្រហារ។
មេដឹកនាំតួកគីលោក រ៉េសិប តៃយីប អេរដូហ្គែន បានសន្យាគាំទ្រអាស៊ែបៃហ្សង់ក្នុងអំឡុងពេលដំណើរទស្សនកិច្ចជាផ្លូវការទៅកាន់ទីក្រុងស៊ូសា ដោយលោក អេរដូហ្គែន និងសមភាគីអាស៊ែបៃហ្សង់ លោក Ilham Aliyev បានចុះហត្ថលេខាលើ ការសន្យាគាំទ្រគ្នា ក្នុងករណីមានការ គំរាមកំហែង ឬការវាយ ប្រហារពីសំណាក់ប្រទេសទី៣ លើឯករាជភាព ឬបូរណភាពទឹកដីរបស់ពួកគេ។
ការប្រយុទ្ធគ្នាកាលពីឆ្នាំមុនបានធ្វើឱ្យមានការភ័យខ្លាចថា រុស្ស៊ី និងតួកគី អាចត្រូវបាន អូសទាញដោយ ផ្ទាល់ទៅក្នុងជម្លោះដើម្បីគាំទ្រសម្ព័ន្ធមិត្តរបស់ពួកគេដែលការអន្តរាគមនេះ អាចនឹងធ្វើឱ្យទី ក្រុងម៉ូស្គូ និងអង់ការ៉ាប៉ះទង្គិចគ្នាមិនត្រឹមតែនៅក្នុងប្រទេសស៊ីរី និងលីប៊ីប៉ុណ្ណោះទេ ប៉ុន្តែនៅតំបន់ Nagorno-Karabakh ផងដែរ។
ជ័យជម្នះផ្នែកយោធារបស់អាស៊ែបៃហ្សង់ លើអាមេនី គឺជារដ្ឋប្រហារភូមិសាស្ត្រនយោបាយសំខាន់មួយសម្រាប់លោក អេរដូហ្គែន នៅពេលទីក្រុងអង់ការ៉ាព្យាយាមពង្រឹងឥទ្ធិពលរបស់ខ្លួននៅក្នុងតំបន់ Caucasus អតីតសូវៀត៕
