ត្បូងដែលមានទំហំ ១, ០៩៨ ការ៉ាត់ ដែលត្រូវបានគេជឿថាជាត្បូងធំជាងគេទី៣ ដែលមិន ធ្លាប់មានត្រូវបានគេជីករកឃើញក្នុងប្រទេសបុតស្វាណា។ នេះបើយោងតាមការរាយការណ៍របស់សារព័ត៌មានរ៉យទ័រ។
កាលពីថ្ងៃទី ១៦ មិថុនានេះ ត្បូងនេះត្រូវបានប្រគល់ជូនប្រធានាធិបតីបុតស្វាណា លោកMokgweetsi Masisi ដោយនាយកគ្រប់គ្រងស្តីទីរបស់ក្រុមហ៊ុន Debswana Diamond Company លោក Lynette Armstrong។
លោក Armstrong បាននិយាយថា៖ «នេះគឺជាត្បូងពេជ្រធំបំផុតដែលត្រូវបានរកឃើញដោយក្រុមហ៊ុន Debswana ក្នុងប្រវត្តិសាស្ត្រជាង ៥០ ឆ្នាំ ចាប់តាំងពីក្រុមហ៊ុនដំណើរការមកម្ល៉េះ»។
លោកបាននិយាយថា តាមរយៈការវិភាគបឋមរបស់ក្រុមហ៊ុន ត្បូងនេះអាចជាត្បូងមានគុណភាពធំជាងគេទី៣ នៅលើពិភពលោក៕